ഇന്നു പുലര്‍ച്ചെ ഇറാന്‍ നടത്തിയ ഏറ്റവും പുതിയ മിസൈല്‍ ആക്രമണത്തില്‍ ഇസ്രായിലില്‍ മൂന്നു പേര്‍ കൊല്ലപ്പെടുകയും 100 ലേറെ പേര്‍ക്ക് പരിക്കേല്‍ക്കുകയും ചെയ്തതായി ഇസ്രായില്‍ ആംബുലന്‍സ് സര്‍വീസ് റിപ്പോര്‍ട്ട് ചെയ്തു. ആക്രമണത്തില്‍ നിരവധി സ്ഥലങ്ങള്‍ തകര്‍ന്നതായി ഇസ്രായില്‍ സൈന്യം അറിയിച്ചു. ഇറാന്‍ മിസൈല്‍ ആക്രമണത്തിന്റെ ഫലമായി തെല്‍അവീവിലും ഹൈഫയിലും നിരവധി സ്ഥലങ്ങളില്‍ അഭൂതപൂര്‍വമായ തീപിടുത്തമുണ്ടായതായി അഗ്‌നിശമന സേന റിപ്പോര്‍ട്ട് ചെയ്തു.