മക്ക – ഈ വര്ഷത്തോടെ ഹജ് സീസണ് വേനല്ക്കാലത്തോട് വിടപറയുന്നു. ഇനി ഹജ്
സീസണ് ഉഷ്ണ കാലത്താവുക 25 വര്ഷങ്ങള്ക്ക് ശേഷമായിരിക്കുമെന്ന് സൗദി കാലാവസ്ഥാ നിരീക്ഷണ കേന്ദ്രം പറഞ്ഞു. അടുത്ത എട്ട് ഹജ് സീസണുകള് വസന്തകാലത്തും തുടര്ന്നുള്ള എട്ട് ഹജ് സീസണുകള് ശൈത്യകാലത്തുമായിരിക്കുമെന്ന് സൗദി കാലാവസ്ഥാ നിരീക്ഷണ കേന്ദ്രം ഔദ്യോഗിക വക്താവ് ഹുസൈന് അല്ഖഹ്താനി പറഞ്ഞു. ഇതിനു ശേഷമുള്ള ഹജ് സീസണുകള് ക്രമേണ താപനില ഉയരുന്ന ശരത്കാലത്തായിരിക്കും. ഏകദേശം 25 വര്ഷങ്ങള്ക്ക് ശേഷം വേനല്ക്കാലം തിരിച്ചെത്തും. ഈ മാറ്റം ചാന്ദ്ര കലണ്ടറിന്റെ സമയചക്രത്തിന്റെ ഭാഗമാണ്.
വരും വര്ഷങ്ങളില് കൂടുതല് മിതമായ കാലാവസ്ഥാ സാഹചര്യങ്ങളില് ഹജ് കര്മ്മങ്ങള് നിര്വഹിക്കാന് അവസരമുണ്ടാകുമെന്നും ഹുസൈന് അല്ഖഹ്താനി പറഞ്ഞു. ഈ വര്ഷത്തെ ഹജിനിടെ പുണ്യസ്ഥലങ്ങളില് ഉയര്ന്ന താപനില അനുഭവപ്പെട്ടു. സൂര്യാഘാതവും ഉയര്ന്ന ചൂട് മൂലമുള്ള ആരോഗ്യ പ്രശ്നങ്ങളും തടയാന് രാവിലെ പത്തു മുതല് വൈകീട്ട് നാലു വരെ നേരിട്ട് സൂര്യപ്രകാശം ഏല്ക്കരുതെന്ന് തീര്ഥാടകര്ക്ക് മുന്നറിയിപ്പ് നല്കാന് ഇത് സൗദി ആരോഗ്യ മന്ത്രാലയത്തെ പ്രേരിപ്പിച്ചു. ഹജ് കര്മങ്ങള്ക്കിടയില് തീര്ഥാടകരെ സംരക്ഷിക്കാനും അവരുടെ സുരക്ഷ വര്ധിപ്പിക്കാനുമുള്ള ആരോഗ്യ മന്ത്രാലയത്തിന്റെ ശ്രമങ്ങളുടെ ഭാഗമായി, കുട ഉപയോഗിക്കണമെന്നും ആവശ്യത്തിന് വെള്ളം കുടിക്കണമെന്നും നഗ്നപാദരായി നടക്കരുതെന്നും മുന്കരുതല് നടപടികളും ഗ്രൂപ്പിംഗ് നിര്ദേശങ്ങളും പാലിക്കണമെന്നും മന്ത്രാലയം ആവശ്യപ്പെട്ടിരുന്നു.
കഴിഞ്ഞ വര്ഷത്തെ അപേക്ഷിച്ച് ഇത്തവണത്തെ ഹജ് സീസണില് തീര്ഥാടകര്ക്കിടയില് ചൂട് മൂലമുള്ള ആരോഗ്യ പ്രശ്നങ്ങള് 90 ശതമാനം കുറഞ്ഞതായി ആരോഗ്യ മന്ത്രാലയം അറിയിച്ചു. ആരോഗ്യ അപകടസാധ്യതകള് തടയാനും സുരക്ഷിതമായും ആരോഗ്യപരമായും ഹജ് കര്മങ്ങള് നിര്വഹിക്കാന് തീര്ഥാടകരെ പ്രാപ്തരാക്കാനുമുള്ള ആരോഗ്യ മന്ത്രാലയത്തിന്റെ ശ്രമങ്ങള് ഫലം കണ്ടതായി ഈ കണക്കുകള് വ്യക്തമാക്കുന്നു.
പ്രതിരോധ ഇടപെടലുകള്, ശക്തമായ ബോധവല്ക്കരണം, ആരോഗ്യ സംവിധാനവും സര്ക്കാര് വകുപ്പുകളും തമ്മിലുള്ള ഏകോപനം എന്നിവയുടെ ഫലമായാണ് ഈ നേട്ടം കൈവരിക്കാന് സാധിച്ചതെന്ന് മന്ത്രാലയം പ്രസ്താവനയില് വ്യക്തമാക്കി. ഇത് തീര്ഥാടകരെ കടുത്ത ചൂടില് നിന്ന് സംരക്ഷിക്കാനും അവര്ക്ക് എളുപ്പത്തിലും മനസ്സമാധാനത്തോടെയും കര്മങ്ങള് നിര്വഹിക്കുന്നതിന് അവസരമൊരുക്കാനും സഹായിച്ചു.