ഫരീദാബാദ്: സഹപാഠിയായ പെൺകുട്ടിയുടെ വീട്ടിൽ പത്താം ക്ലാസ് വിദ്യാർത്ഥിയെ തൂങ്ങിമരിച്ച നിലയിൽ കണ്ടെത്തിയതിനെ തുടർന്ന് ഫരീദാബാദിൽ സംഘർഷം. ആൺകുട്ടിയുടെ കുടുംബാംഗങ്ങളും നാട്ടുകാരും നടത്തിയ പ്രതിഷേധം അക്രമത്തിലേക്ക് വഴിമാറുകയും പെൺകുട്ടിയുടെ വീട് അടിച്ചുതകർക്കുകയും ചെയ്തു. സംഭവസ്ഥലത്തെത്തിയ പൊലീസിനുനേരെ കല്ലേറുണ്ടായതിനെ തുടർന്ന് രണ്ട് പൊലീസ് ഉദ്യോഗസ്ഥർക്ക് പരിക്കേറ്റു. ടിട്ടു കോളനി പ്രദേശത്തെ ശിവ് ശക്തി എൻക്ലേവിൽ വ്യാഴാഴ്ച രാത്രിയാണ് സംഭവം. സായ് നഗർ പാർട്ട്-2 സ്വദേശിയായ അർജുൻ (17) ആണ് മരിച്ചത്. കൊലപാതകമെന്ന് അർജുന്റെ കുടുംബം തന്റെ മകനെ പെൺകുട്ടിയുടെ കുടുംബാംഗങ്ങൾ കൊലപ്പെടുത്തിയതാണെന്ന് അർജുന്റെ പിതാവ് ഭൂഷൺ ആരോപിച്ചു. “വ്യാഴാഴ്ച ഉച്ചയ്ക്ക് രണ്ട് മണിയോടെ സ്കൂളിൽ നിന്ന് വീട്ടിലെത്തിയ അർജുനെ 2:30-ഓടെ ഒരു യുവാവ് വന്ന് കൂട്ടിക്കൊണ്ടുപോകുകയായിരുന്നു. വൈകുന്നേരം 4:30-ഓടെയാണ് മകൻ മരിച്ച വിവരം അറിയുന്നത്. പെൺകുട്ടിയുടെ വീട്ടിലെത്തിയപ്പോൾ മകൻ കയറിൽ തൂങ്ങിനിൽക്കുന്നതാണ് കണ്ടത്,” പിതാവ് പറഞ്ഞു. ഇരുവരും കഴിഞ്ഞ രണ്ട് വർഷമായി പരിചയക്കാരായിരുന്നുവെന്നും ഭൂഷൺ വ്യക്തമാക്കി. പെൺകുട്ടിയുടെ വീട്ടുകാരാണ് മകനെ കൊലപ്പെടുത്തിയതെന്നും അദ്ദേഹം…