തെല്അവീവിന് തെക്ക് മധ്യധരണ്യാഴി തീരത്തെ ഇസ്രായില് നഗരമായ ബാറ്റ് യാമില് ഇന്നു പുലര്ച്ചെ ഇറാന് നടത്തിയ മിസൈല് ആക്രമണത്തില് ഒരു റെസിഡന്ഷ്യല് കോംപ്ലക്സ് പാടെ തകര്ന്നതായി സി.എന്.എന് റിപ്പോര്ട്ടര് നിക്ക് റോബര്ട്ട്സണ് റിപ്പോര്ട്ട് ചെയ്തു. പ്രാദേശിക സമയം പുലര്ച്ചെ 2.30 ഓടെയാണ് ഇറാന് മിസൈലുകള് നഗരത്തില് പതിച്ചത്. ആക്രമണത്തില് വ്യാപകമായ നാശനഷ്ടങ്ങളുണ്ടായി. അവശിഷ്ടങ്ങള്ക്കിടയില് ആളുകള് കുടുങ്ങിക്കിടക്കുന്നതായി ഭയമുണ്ട്. ഡസന് കണക്കിനാളുകള്ക്ക് ആക്രമണത്തില് പരിക്കേറ്റു. രക്ഷാപ്രവര്ത്തനങ്ങള് തുടരുന്നതിനാല് പരിക്കേറ്റവരുടെ എണ്ണം ഉയരാന് സാധ്യതയുണ്ടെന്നും ഇസ്രായില് പോലീസ് അന്താരാഷ്ട്ര വക്താവ് ഡീന് എല്സ്ഡണ് പറഞ്ഞു
