വാഷിംഗ്ടണ്‍ – ഇറാനില്‍ പുതിയ ആക്രമണങ്ങള്‍ നടത്താന്‍ ഇസ്രായില്‍ പ്രധാനമന്ത്രി ബെഞ്ചമിന്‍ നെതന്യാഹു യു.എസ് പ്രസിഡന്റ് ഡൊണാള്‍ഡ് ട്രംപിനോട് ആവശ്യപ്പെട്ടതായി അമേരിക്കന്‍ വാര്‍ത്താ വെബ്സൈറ്റ് ആയ ആക്‌സിയോസ്. ഇറാനുമായി ബന്ധപ്പെട്ട് നടന്നുകൊണ്ടിരിക്കുന്ന ചര്‍ച്ചകളില്‍ നെതന്യാഹു വളരെയധികം ആശങ്കാകുലനാണെന്ന് ഇസ്രായില്‍ ഉദ്യോഗസ്ഥരെ ഉദ്ധരിച്ച് ആക്‌സിയോസ് റിപ്പോര്‍ട്ട് ചെയ്തു. ഇറാനുമായുണ്ടാക്കുന്ന പുതിയ കരാറിനെ കുറിച്ച് വിശകലനം ചെയ്യാന്‍ നെതന്യാഹുവും അദ്ദേഹത്തിന്റെ സഹായികളും വൈറ്റ് ഹൗസുമായി ബന്ധപ്പെട്ടിട്ടുണ്ട്. ഇറാനെതിരെ പുതിയൊരു റൗണ്ട് ആക്രമണം നടത്താന്‍ നെതന്യാഹു ട്രംപിനോട് ആവശ്യപ്പെട്ടിട്ടുണ്ടെന്നും ഇസ്രായില്‍ ഉദ്യോഗസ്ഥര്‍ കൂട്ടിച്ചേര്‍ത്തു. ഇറാന്റെ ഏറ്റവും പുതിയ ഓഫര്‍ വിശകലനം ചെയ്യാന്‍ ചര്‍ച്ചകളില്‍ പങ്കെടുക്കുന്ന യു.എസ് പ്രതിനിധികളുമായി താന്‍ കൂടിക്കാഴ്ച നടത്തുമെന്നും യുദ്ധം പുനരാരംഭിക്കണോ വേണ്ടയോ എന്ന് ഞായറാഴ്ചയോടെ തീരുമാനിക്കുമെന്നും യു.എസ് പ്രസിഡന്റ് ഡൊണാള്‍ഡ് ട്രംപ് ശനിയാഴ്ച വൈകുന്നേരം അറിയിച്ചു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group