ന്യൂദൽഹി- കഴിഞ്ഞ കുറച്ച് ദിവസങ്ങളായി റിയാദ് കിംഗ് ഖാലിദ് അന്താരാഷ്ട്ര വിമാനത്താവളത്തിന് നേരെ നടക്കുന്ന തുടർച്ചയായ ആക്രമണങ്ങളെ ശക്തിയായി അപലപിച്ച് ഇന്ത്യ. ആക്രമണങ്ങൾ നിരവധി ജീവനുകൾ കവരുന്നതിനും നിരവധിയാളുകൾക്ക് പരിക്കേൽക്കുന്നതിനും വൻ നാശനഷ്ടങ്ങൾക്കും കാരണമായിട്ടുണ്ട്. മരണപ്പെട്ടവരുടെ കുടുംബങ്ങളെ അനുശോചനം അറിയിക്കുന്നതിനൊപ്പം പരിക്കേറ്റവർ എത്രയും വേഗം സുഖം പ്രാപിക്കട്ടെ എന്ന് ആശംസിക്കുകയും ചെയ്യുന്നതായി ഇന്ത്യ വ്യക്തമാക്കി.
സാധാരണക്കാർക്കും സിവിലിയൻ ഇൻഫ്രാസ്ട്രക്ചറുകൾക്കും നേരെ തുടർച്ചയായുണ്ടാകുന്ന ഇത്തരം ആക്രമണങ്ങൾ ഒരുതരത്തിലും അംഗീകരിക്കാനാവില്ല, ഇവ ഉടനടി അവസാനിപ്പിക്കണം. പരമാധികാരം സംരക്ഷിക്കുന്നതിൽ സൗദി അറേബ്യയിലെ ജനങ്ങൾക്കും സർക്കാരിനും ഒപ്പം ഉറച്ചുനിൽക്കുന്നതായും ഇന്ത്യ വ്യക്തമാക്കി. മേഖലയിൽ എത്രയും വേഗം സമാധാനവും സാധാരണനിലയും തിരിച്ചെത്തുമെന്ന് പ്രത്യാശിക്കുന്നതായും വിദേശകാര്യ മന്ത്രാലയം പുറപ്പെടുവിച്ച പ്രസ്താവനയിൽ പറഞ്ഞു.
Statement on Houthi attacks on King Khalid International Airport and other civilian facilities ⬇️ 🔗 https://t.co/KqxIxD8ej5 https://t.co/S9IKDv13jQ
— Randhir Jaiswal (@MEAIndia) October 11, 2026