പനി ബാധിച്ച് ചികിത്സയ്‌ക്കെത്തിയ ബാലികയെ പീഡിപ്പിച്ചു; ഡോക്ടർക്കെതിരെ കേസ്

കാസർകോട്: പനി പിടിച്ച് ചികിത്സയ്‌ക്കെത്തിയ 13-കാരിയെ പീഡിപ്പിച്ചെന്ന പരാതിയിൽ ഡോക്ടർക്കെതിരെ കേസെടുത്തു. ഡോ. സി.കെ.പി കുഞ്ഞബ്ദുള്ളയ്‌ക്കെതിരെയാണ് കേസെടുത്തതെന്ന് ചന്ദേര പോലീസ് പറഞ്ഞു.
ചികിത്സ കഴിഞ്ഞ് വീട്ടിലെത്തിയതിന് പിന്നാലെയാണ് ഡോക്ടറുടെ ഭാഗത്തുനിന്നുണ്ടായ പീഡനം കുട്ടി മാതാപിതാക്കളോട് പറഞ്ഞത്. തുടർന്ന് ഇവർ പോലീസിൽ പരാതി നല്കുകയായിരുന്നു.
പോക്‌സോ അടക്കമുള്ള വകുപ്പുകൾ ചേർത്താണ് കേസെടുത്തതെന്ന് പോലീസ് പ്രതികരിച്ചു. പെൺകുട്ടിയുടെ മൊഴി രേഖപ്പെടുത്തിയിട്ടുണ്ട്. അന്വേഷണം പുരോഗമിക്കുകയാണെന്നും പ്രതിയെ ഉടനെ അറസ്റ്റു ചെയ്യുമെന്നും പോലീസ് പറഞ്ഞു.