മുഖ്യമന്ത്രി പിണറായി വിജയൻ ഇന്ന് ദുബൈയിൽ

ദുബൈ– ‘ഓർമ്മ’യുടെ കേരളോത്സവത്തിൽ പങ്കെടുക്കാനായി മുഖ്യമന്ത്രി പിണറായി വിജയൻ ഞായറാഴ്ച രാവിലെ ദുബൈലെത്തുന്നു. യുഎഇ 54-ാമത് ദേശീയദിനാഘോഷത്തിന്റെ ഭാഗമായി തിങ്കൾ, ചൊവ്വ ദിവസങ്ങളിൽ ദുബൈ അമിറ്റി സ്കൂൾ ഗ്രൗണ്ടിലാണ് കേരളോത്സവം നടക്കുന്നത്. തിങ്കളാഴ്ച വൈകീട്ട് 6.30-ന് നടക്കുന്ന കേരളോത്സവത്തിലെ സാംസ്കാരിക സമ്മേളനം മുഖ്യമന്ത്രി ഉദ്‌ഘാടനം ചെയ്യും. തിങ്കളാഴ്ച രാവിലെ നടക്കുന്ന ബിസിനസ് സമ്മേളനത്തിലും പിണറായി വിജയൻ പങ്കെടുക്കും. കൂടാതെ മലയാളം മിഷൻ, ലോക കേരളസഭ എന്നിവർ ചേർന്ന് മുഖ്യമന്ത്രിക്ക് സ്വീകരണവുമൊരുക്കുന്നുണ്ട്. സാംസ്കാരിക മന്ത്രി സജി ചെറിയാനും പങ്കെടുക്കും. ചൊവ്വാഴ്ച വൈകീട്ട് മുഖ്യമന്ത്രി കേരളത്തിലേക്ക് മടങ്ങും

മലയാളം ന്യൂസ് വാട്സാപ്പ് ചാനലിൽ ജോയിൻ ചെയ്യാൻ ഇവിടെ ക്ലിക്ക് ചെയ്യുക