തെഹ്റാന്: യുദ്ധം അവസാനിപ്പിക്കാനുള്ള ചര്ച്ചകള് വഴിമുട്ടുകയും അമേരിക്ക ആവര്ത്തിച്ച് ആക്രമണങ്ങള് നടത്തുകയും ചെയ്തതോടെ, ഹോര്മുസ് കടലിടുക്ക് പൂര്ണമായും അടച്ചതായും തന്ത്രപ്രധാനമായ ജലപാതയിലൂടെ കടന്നുപോകാന് ശ്രമിക്കുന്ന ഏതു കപ്പലുകളും ആക്രമിക്കുമെന്നും ഇറാന് സൈനിക കമാന്ഡ് അറിയിച്ചു. ഹോര്മുസ് കടലിടുക്ക് വഴി കടന്നുപോകാന് ശ്രമിക്കുന്ന ഏതൊരു കപ്പലിനെയും ആക്രമിക്കുമെന്നും കടലിടുക്ക് ഇപ്പോള് എല്ലാത്തരം കപ്പലുകള്ക്കും മുന്നില് പൂര്ണ്ണമായും അടച്ചിരിക്കുന്നു എന്നും ഖാതം അല്അന്ബിയ കമാന്ഡ് പറഞ്ഞു. ഹോര്മുസ് കടലിടുക്ക് വഴി നിയമവിരുദ്ധമായി കടന്നുപോകാന് ശ്രമിച്ച രണ്ട് കപ്പലുകള് ആക്രമിച്ചതായി ഇറാന് റെവല്യൂഷണറി ഗാര്ഡ്സ് നാവികസേന വ്യക്തമാക്കി. അമേരിക്കന് ശത്രു വെടിനിര്ത്തല് കരാര് ആവര്ത്തിച്ച് ലംഘിച്ചതിനെ തുടര്ന്ന്, ഹോര്മുസ് കടലിടുക്ക് ഇനിയൊരു അറിയിപ്പ് ഉണ്ടാകുന്നതുവരെ പൂര്ണമായും അടച്ചിടും. അറേബ്യന് ഉള്ക്കടലിലും ഒമാന് കടലിലും നങ്കൂരമിട്ടിരിക്കുന്ന ഒരു കപ്പലും അവിടെ നിന്ന് പുറത്തുപോകരുതെന്ന് ഞങ്ങള് മുന്നറിയിപ്പ് നല്കുന്നു. ഹോര്മുസ് കടലിടുക്കിനെലൂടെ പോകുന്നന്നത് ശത്രുവുമായുള്ള സഹകരണമായി കണക്കാക്കുമെന്ന് റെവല്യൂഷണറി ഗാര്ഡ്സ് നാവികസേന കൂട്ടിചേർത്തു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group