വെസ്റ്റിൻഡീസിനെ എട്ട് വിക്കറ്റിന് തകർത്ത് ഇന്ത്യക്ക് ഏകദിന പരമ്പര; തല്ലിച്ചതച്ച് ശുഭ്മൻ ഗിൽ

ഗുവാഹത്തി- ഒരു ഇരട്ട സെഞ്ച്വറിയും നാല് സെഞ്ച്വറികളും പിറന്ന തീപാറും പോരട്ടത്തിൽ വെസ്റ്റിൻഡീനെതിരെ ഏകദിന പരമ്പര നേടി ഇന്ത്യ. വെസ്റ്റിൻഡീസ് ഉയർത്തിയ 405 റൺസിന്റെ കൂറ്റൻ വിജയലക്ഷ്യം 39 പന്തുകൾ ശേഷിക്കെ രണ്ട് വിക്കറ്റ് നഷ്ടത്തിൽ ഇന്ത്യ മറികടന്നു.

ഇരട്ട സെഞ്ച്വറിയുമായി തിളങ്ങിയ ക്യാപ്റ്റൻ ശുഭ്മൻ ഗില്ലിന്റെ പ്രകടനം ഇന്ത്യൻ വിജയത്തിന് മാറ്റുകൂട്ടി. പുറത്താകാതെ 223 റൺസാണ് ഗിൽ നേടിയത്. രോഹിത് ശർമയും (101) ഇന്ത്യക്കായി സെഞ്ച്വറി നേടി. വിരാട് കോലി 29 റൺസെടുത്ത് മടങ്ങിയപ്പോൾ ഋതുരാജ് ഗെയ്ക്‌വാദ് 31 റൺസുമായി പുറത്താകാതെ നിന്നു.
വെസ്റ്റിൻഡീസിനായി ജോൺ കാംപ്‌വെൽ (101), ഷായ് ഹോപ് (104), അമിർ ജാംഗൂ (114) എന്നിവർ നേടിയ സെഞ്ച്വറികൾ പാഴായി.