ലിസ്ബണ്‍: യുവേഫാ നേഷന്‍സ് ലീഗില്‍ പോര്‍ച്ചുഗലിനെ സമനിലയില്‍ പൂട്ടി ക്രൊയേഷ്യ. സമനിലയോടെ ക്രൊയേഷ്യ ക്വാര്‍ട്ടറില്‍ കടന്നു. പോര്‍ച്ചുഗല്‍ നേരത്തെ ക്വാര്‍ട്ടറില്‍ പ്രവേശിച്ചിരുന്നു. വിറ്റിനയുടെ അസിസ്റ്റില്‍ ജാവോ ഫ്‌ളിക്‌സാണ് 33ാം മിനിറ്റില്‍ പോര്‍ച്ചുഗലിനായി ലീഡെടുത്തത്. തുടര്‍ന്ന് 65ാം മിനിറ്റില്‍ ജോസ്‌ക്കോ ഗവര്‍ഡിയോള്‍ ക്രൊയേഷ്യയ്ക്കായി സമനില ഗോള്‍ നേടുകയായിരുന്നു.
മറ്റൊരു മല്‍സരത്തില്‍ സ്വിറ്റ്‌സര്‍ലന്റിനെ സ്‌പെയിന്‍ 3-2ന് പരാജയപ്പെടുത്തി. ഇഞ്ചുറി ടൈമില്‍ ബ്രയാന്‍ സരഗോസാ നേടിയ ഗോളാണ് സ്‌പെയിനിന് ജയമൊരുക്കിയത്. മല്‍സരത്തില്‍ ഇരുടീമും ഒപ്പത്തിനൊപ്പമായിരുന്നു. സ്‌പെയിനിനായി യെര്‍മി പിനോ(32), ബ്രയാന്‍ ഗില്‍ (68) എന്നിവരും വലകുലിക്കി. മൊണ്ടീറോ(63), സെഖിറി(85) എന്നിവരാണ് സ്വിറ്റ്‌സര്‍ലന്റിനായി സ്‌കോര്‍ ചെയ്തവര്‍.
മറ്റ് മല്‍സരങ്ങളില്‍ സ്‌കോട്ട്‌ലന്റ് പോളണ്ടിനെ 2-1ന് പരാജയപ്പെടുത്തി.ഡെന്‍മാര്‍ക്ക്-സെര്‍ബിയ മല്‍സരങ്ങള്‍ ഗോള്‍ രഹിത സമനിലയില്‍ കലാശിച്ചു.