തിരുവനന്തപുരം- കേരള നിയമസഭയിലേക്ക് നടന്ന തെരഞ്ഞെടുപ്പിന്റെ ആദ്യഫലം പുറത്തുവരുമ്പോൾ യു.ഡി.എഫ് പടയോട്ടം. 86 സീറ്റുകളിലാണ് നിലവിൽ യു.ഡി.എഫ് മുന്നിൽ നിൽക്കുന്നത്. യു.ഡി.എഫിന്റെ പ്രമുഖ നേതാക്കളെല്ലാം മുന്നിൽ നിൽക്കുമ്പോൾ മന്ത്രിമാരടക്കം പിന്നിലാണ്. എൽ.ഡി.എഫിന്റെ സിറ്റിംഗ് സീറ്റുകളിലെല്ലാം അട്ടിമറി സാധ്യതയാണ് കാണുന്നത്.
മലപ്പുറം ജില്ലയിൽ പൊന്നാനി ഒഴികെയുള്ള മുഴുവൻ സീറ്റുകളിലും യു.ഡി.എഫ് മുന്നിലാണ്. കോഴിക്കോട്, എറണാകുളം, കോട്ടയം, ആലപ്പുഴ, കൊല്ലം, കോട്ടയം ജില്ലകളിലെല്ലാം യു.ഡി.എഫ് മുന്നിൽ നിൽക്കുന്നു. ഈ ട്രെൻറ് തുടർന്നാൽ നൂറ് സീറ്റിനടത്ത് യു.ഡി.എഫ് എത്തുമെന്ന തരത്തിലാണ് വോട്ടെണ്ണലിന്റെ ട്രെന്റ് സൂചിപ്പിക്കുന്നത്. പാലക്കാട് ജില്ലയിൽ വരെ അപ്രതീക്ഷിത കുതിപ്പ് യു.ഡി.എഫ് നടത്തുന്നത് വലിയ തോതിൽ ഭരണവിരുദ്ധ വികാരമുണ്ട് എന്നതിന്റെ സൂചനയാണ്.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group