ഈ വര്‍ഷത്തെ ഹജിനുള്ള സിവില്‍ ഡിഫന്‍സ് ഡയറക്ടറേറ്റ് സംവിധാനങ്ങളുടെ ഭാഗമായി കൃത്രിമബുദ്ധി ഉപയോഗിച്ച് മെച്ചപ്പെടുത്തിയ ഫാല്‍ക്കണ്‍ (സഖ്ര്‍) എന്ന് പേരിട്ട അഗ്നിശമന ഡ്രോണ്‍ പുറത്തിറക്കിയതായി സിവില്‍ ഡിഫന്‍സ് അറിയിച്ചു. ഉയര്‍ന്ന പ്രദേശങ്ങളിലും, എത്തിച്ചേരാന്‍ പ്രയാസമുള്ള സ്ഥലങ്ങളിലും അഗ്നിശമന, രക്ഷാ പ്രവര്‍ത്തനങ്ങള്‍ക്കായി ഈ ഡ്രോണ്‍ രൂപകല്‍പന ചെയ്തിരിക്കുന്നു. ഏറെ ഉയര്‍ന്ന ഉയരത്തില്‍ 12 മണിക്കൂര്‍ തുടര്‍ച്ചയായി പ്രവര്‍ത്തിക്കാന്‍ സാധിക്കുന്ന ഈ ഡ്രോണിന് 40 കിലോഗ്രാം ഭാരം വഹിക്കാന്‍ കഴിയും.
ഹജ് നിര്‍വഹിക്കുകയെന്ന ലക്ഷ്യത്തോടെ അനധികൃതമായി രാജ്യത്ത് തങ്ങിയ വിസിറ്റ് വിസക്കാര്‍ക്ക് ആതിഥേയത്വം നല്‍കിയവര്‍ അടക്കം 16,190 വിസാ നിയമ ലംഘകര്‍ക്ക് ഓട്ടോമാറ്റിക് ആയി പിഴകള്‍ ചുമത്തിയതായി പൊതുസുരക്ഷാ വകുപ്പ് മേധാവിയും ഹജ് സുരക്ഷാ കമ്മിറ്റി ചെയര്‍മാനുമായ ലെഫ്. ജനറല്‍ മുഹമ്മദ് അല്‍ബസ്സാമി അറിയിച്ചു.
