ജുബൈൽ: ജുബൈൽ കെ.എം.സി.സി സെൻട്രൽ കമ്മിറ്റി വെൽഫെയർ വിങ്ങിന്റെ നേതൃത്വത്തിൽ ഹുമൈദാൻ ഓഡിറ്റോറിയത്തിൽ ഇഫ്താർ സംഗമം സംഘടിപ്പിച്ചു. പ്രമുഖ പ്രഭാഷകനും മത പണ്ഡിതനുമായ അഡ്വക്കേറ്റ് ഓണമ്പിള്ളി മുഹമ്മദ് ഫൈസി മുഖ്യതിഥിയായിരുന്നു. വിശ്വാസി സമൂഹം ഉയർത്തിപ്പിടിക്കേണ്ട മൂല്യങ്ങളെ കുറിച്ചും സമകാലിക സാഹചര്യങ്ങളിൽ ആശങ്കകൾക്കിടയിലും പ്രതീക്ഷയോടെ ഓരോ വിശ്വാസിയും മുന്നോട്ട് നീങ്ങേണ്ടുന്ന ആവശ്യകതയെ കുറിച്ചും എല്ലാം അദ്ദേഹം സംസാരിച്ചു.
ജുബൈലിലെ കെഎംസിസി പ്രവർത്തകരും മറ്റു സഹോദര സംഘടനാ പ്രതിനിധികളും കെഎംസിസി യുടെ വിവിധ ഘടകങ്ങളിലെ ഭാരവാഹികളും പ്രവർത്തകരും അടക്കം ആയിരത്തി ഇരുനൂറോളം ആളുകൾ പങ്കെടുത്തു. കബീർ പറളി റമദാൻ സന്ദേശം നൽകി. റാഫി ഹുദവി പ്രാർത്ഥനക്ക് നേതൃത്വം നൽകി. ജുബൈൽ കെ.എം.സി.സി വെൽഫെയർ കൺവീനർ മജീദ് ചാലിയം സ്വാഗതം പറഞ്ഞു. പൊതു സമ്മേളനം ഈസ്റ്റേൺ പ്രൊവിൻസ് കെഎംസിസി ജനറൽ സെക്രട്ടറി സിദ്ദിഖ് പാണ്ടികശാല ഉൽഘടനം ചെയ്തു. ജുബൈൽ കെ.എം.സി.സി പ്രസിഡന്റ് ഉസ്മാൻ ഒട്ടുമ്മൽ അധ്യക്ഷത വഹിച്ചു.
സലാം ആലപ്പുഴ, സൈദലവി പരപ്പനങ്ങാടി, ബഷീർ വെട്ടുപാറ എന്നിവർ പ്രസംഗിച്ചു. ജുബൈൽ കെഎംസിസി റമദാൻ റിലീഫ് എൻ.എസ്എച്ഛ് ന് വേണ്ടി നൂഹ് പാപ്പിനിശ്ശേരി ഉസ്മാൻ ഒട്ടുമ്മലിന് നൽകിയും ഗ്ലോബൽ സോഴ്സിന് വേണ്ടി ആഷിഖ് ബഷീർ വെട്ടുപാറക്ക് നൽകിയും നിർവഹിച്ചു. അഡ്വക്കേറ്റ് ഓണമ്പള്ളി മുഹമ്മദ് ഫൈസിക്കുള്ള ഈസ്റ്റേൺ പ്രൊവിൻസ് എറണാകുളം ജില്ലാ കമ്മിറ്റിയുടെ മൊമെന്റോ എറണാംകുളം കമ്മിറ്റി ജനറൽ സെക്രട്ടറി ഷിബു കവലയിൽ കൈമാറി. വിവിധ മത രാഷ്ട്രീയ സാംസ്കാരിക സംഘടനാ പ്രതിനിധികൾ പങ്കെടുത്തു.
മുജീബ് കോഡൂർ, സലാം ആലപ്പുഴ, ഹമീദ് പയ്യോളി, റാഫി കൂട്ടായി, അസീസ് ഉണ്ണിയാൽ, അബൂബക്കർ കാസർകോഡ്, ഫിറോസ് തിരൂർ, അനീഷ് താനൂർ, ഇബ്രാഹിം കുട്ടി, ബഷീർ വെട്ടുപാറ, സൈദലവി പരപ്പനങ്ങാടി, ഷിബു കവലയിൽ, മജീദ് ചാലിയം, യാസർ മണ്ണാർക്കാട്, മുനവ്വർ ഫൈറൂസ്, റിയാസ് ബഷീർ, ഹസ്സൻ കോയ, ശിഹാബ് കൊടുവള്ളി, അമീർ അസർ, ഫാസി കണ്ണൂർ, അബ്ബാസ്, റിയാസ് ആർ.സി, ഷാമിൽ ആനിക്കാട്ടിൽ, യാസർ മണ്ണാർക്കാട്, ആസിഫ്, ഹമീദ് ആലുവ എന്നവർ പരിപാടികൾക്ക് നേതൃത്വം നൽകി. ശിഹാബ് കൊടുവള്ളി നന്ദി പറഞ്ഞു.