ജിദ്ദ:ഈ വർഷത്തെ പരിശുദ്ധ ഹജ് കർമ്മത്തിന് മിനയിൽ സേവനപ്രവർത്തനം ചെയ്ത താനൂർ മണ്ഡലം കെ.എം.സി.ി വളണ്ടിയർമാർക്ക് ശറഫിയ സഫയർ ഓഡിറ്റോറിയത്തിൽ സ്നേഹാദരവും മണ്ഡലം തല പ്രവർത്തക സംഗമവും സംഘടിപ്പിച്ചു. മണ്ഡലം പ്രസിഡൻറ് അബ്ദുൽ ഫത്താഹിൻ്റ അധ്യക്ഷതയിൽ ജിദ്ദ കെ.എം.സി.സി സെൻട്രൽ കമ്മറ്റി പ്രസിഡന്റ് അബൂബക്കർ അരി(മ്പ ഉൽഘാടനം ചെയ്തു. എം.എസ്.എഫ് സംസ്ഥാന പ്രസിഡന്റ പി.കെ. നവാസ് മുഖ്യാത്ഥിതിയായിരുന്നു.
സെൻട്രൽ കമ്മറ്റി ആക്ടിങ്ങ് ജനറൽ സെക്രട്ടറി ഇസ്ഹാഖ് പൂണ്ടോളി മുഖ്യ പ്രഭാഷണം നിർവ്വഹിച്ചു. ജലാൽ തേഞ്ഞിപ്പലം, കെ.എം.സി.സി മലപ്പുറം ജില്ലാ പ്രസിഡന്റ് ഇസ്മായിൽ മുണ്ടംപറമ്പ്, ജനറൽ സെക്രട്ടറി നാണി ഇസ്ഹാഖ്, ട്രഷറർ ഇല്യാസ് കല്ലിങ്ങൽ,സീതി കൊളക്കാടൻ,നൗഫൽ ഉള്ളാടൻ,ശിഹാബ് കണ്ണമംഗലം എന്നിവർ പ്രസംഗിച്ചു.
ഹജ് സേവനം ചെയ്ത വളണ്ടിയർ അംഗങ്ങൾക്ക് ഉപഹാരങ്ങൾ അർപ്പിച്ചു. സുരക്ഷാ പദ്ധതിയിൽ ഏറ്റവും കൂടുതൽ ആളുകളെ ചേർത്തതിന് നംഷീർ താനൂരിന് ക്യാഷ് അവാർഡ് വിതരണം ചെയ്തു. മുസ്തഫ ചെറിയമുണ്ടം ഖിറാഅത്ത് നടത്തി.ജനറൽ സെക്രട്ടറി സാദിഖ് ചിറയിൽ സ്വാഗതവും ട്രഷറർ മുജീബ് തൊട്ടിയിൽ നന്ദിയും പറഞ്ഞു. നംഷീർ താനൂർ,ആബിദ് മാടമ്പാട്ട്,സി.എം മർസൂക്ക് ,എം.കെ അലവി,സലീം കെ. പുരം,പി.ടി. ഇസ്മായീൽ എന്നിവർ നേതൃത്വം നൽകി.