റിയാദ്- ഹൂത്തികളുടെ ആക്രമണത്തിൽ പരിക്കേറ്റ് റിയാദിലെ വിവിധ ആശുപത്രികളിൽ ഇന്ത്യക്കാർ അപകടനില തരണം ചെയ്തതായി ഇന്ത്യൻ എംബസി അറിയിച്ചു. ഒരു ഇന്ത്യക്കാരനാണ് അപകടത്തിൽ മരിച്ചത്. പതിനൊന്ന് പേർക്ക് പരിക്കേറ്റു. ഇതിൽ മൂന്നു പേർ ഐ.സി.യുവിലുണ്ട്. ഇവർ അപകട നില തരണം ചെയ്തതായി എംബസി അറിയിച്ചു. 2 പേർ ജനറൽ വാർഡുകളിൽ ചികിത്സയിലാണ്. മറ്റുള്ളവർ ആശുപത്രി വിട്ടതായും എംബസി വ്യക്തമാക്കി.
പരിക്കേറ്റ ഇന്ത്യൻ പൗരന്മാർക്ക് മികച്ച വൈദ്യസഹായം നൽകിയതിന് സൗദി അധികൃതർക്ക് നന്ദി അറിയിക്കുന്നതായും പരിക്കേറ്റവരുടെ കുടുംബങ്ങൾക്ക് ആവശ്യമായ എല്ലാവിധ പിന്തുണയും ഉറപ്പു നൽകുന്നതായും എംബസി വ്യക്തമാക്കി.
24 മണിക്കൂറും പ്രവർത്തിക്കുന്ന ഹെൽപ്പ്ലൈൻ റിയാദിലെ ഇന്ത്യൻ എംബസി ആരംഭിച്ചു. ടോൾ ഫ്രീ ഹെൽപ്പ് ലൈൻ നമ്പറിൽ 8002471234 (സൗദി അറേബ്യയിൽ മാത്രം) ബന്ധപ്പെടാം. കൂടാതെ, റിയാദ് ആക്രമണത്തിൽ പരിക്കേറ്റ ഇന്ത്യൻ പൗരന്മാരെക്കുറിച്ചുള്ള അന്വേഷണങ്ങൾക്കായി താഴെ പറയുന്ന നമ്പറുകളിലും ബന്ധപ്പെടാവുന്നതാണ്:
▪️ +966-11-488469 ▪️ +966-536216082 (വാട്ട്‌സ്ആപ്പ് സന്ദേശങ്ങൾക്ക് മാത്രം)
Further Update regarding Riyadh airport attack: – Our Embassy officials have visited all hospitals where Indian nationals injured in the attack have been admitted. As mentioned earlier, 1 Indian national unfortunately passed away today, 3 are in ICU but stable, 2 more are admitted in normal wards while others have been discharged. – We thank the Saudi authorities for the medical care provided to the injured Indian nationals and assure the families that the Embassy will provide all possible support. @MEAIndia
— India in Saudi Arabia (@IndianEmbRiyadh) October 11, 2026