റിയാദ്- കേളി കലാ സാംസ്‌കാരിക വേദിയുടെ സിൽവർ ജൂബിലി ആഘോഷങ്ങളുടെ ഭാഗമായി സംഘടിപ്പിക്കുന്ന കുദുകേളി മെഗാ ക്രിക്കറ്റ് ടൂർണമെന്റ് സീസൺ-2 സഫാ മക്കാ കപ്പിന്റെ അഞ്ചാം വാരത്തിൽ അഞ്ച് മത്സരങ്ങൾ നടന്നു.
ആദ്യ മത്സരത്തിൽ സാറ്റ്‌കോം ട്രാവൻകൂർ എട്ട് വിക്കറ്റിന് എക്‌സ്ട്രീം ക്രിക്കറ്റ് ക്ലബ്ബിനെ പരാജയപ്പെടുത്തി. എക്‌സ്ട്രീം 88 റൺസിന് പുറത്തായപ്പോൾ സാറ്റ്‌കോം രണ്ട് വിക്കറ്റ് നഷ്ടത്തിൽ ലക്ഷ്യം മറികടന്നു. അജ്മൽ മാൻ ഓഫ് ദ മാച്ചായി.
രണ്ടാം മത്സരത്തിൽ സ്രാക്കോ സ്‌ട്രൈക്കേഴ്‌സ് 65 റൺസിന് കേരള കിങ്‌സ് റിയാദിനെ തോൽപ്പിച്ചു. സ്രാക്കോ ആറ് വിക്കറ്റ് നഷ്ടത്തിൽ 131 റൺസ് നേടിയപ്പോൾ കേരള കിങ്‌സിന് എട്ട് വിക്കറ്റ് നഷ്ടത്തിൽ 66 റൺസെടുക്കാനേ കഴിഞ്ഞുള്ളൂ. നൗഷാദ് മാൻ ഓഫ് ദ മാച്ചായി.
മൂന്നാം മത്സരത്തിൽ സ്പാർക്കൻസ് സി.സി 29 റൺസിന് കൊങ്കൺ ഫൈറ്റേഴ്‌സിനെ പരാജയപ്പെടുത്തി. സ്പാർക്കൻസ് ഏഴ് വിക്കറ്റ് നഷ്ടത്തിൽ 122 റൺസ് നേടിയപ്പോൾ കൊങ്കൺ ഫൈറ്റേഴ്‌സിന് ഏഴ് വിക്കറ്റ് നഷ്ടത്തിൽ 93 റൺസെടുക്കുന്നതിനിടെ നിശ്ചിതചിത ഓവർ അവസാനിച്ചു. സയ്യിദ് ജാബിർ മാൻ ഓഫ് ദ മാച്ചായി.
നാലാം മത്സരത്തിൽ രത്‌നഗിരി റോയൽസ് 33 റൺസിന് എഫ്.സി.ആർ ക്രിക്കറ്റ് ക്ലബ്ബിനെ തോൽപ്പിച്ചു. രത്‌നഗിരി എട്ട് വിക്കറ്റ് നഷ്ടത്തിൽ 104 റൺസ് നേടിയപ്പോൾ എഫ്.സി.ആർ 71 റൺസിന് പുറത്തായി. അനസ് ദേശ്മുഖ് മാൻ ഓഫ് ദ മാച്ചായി.
അഞ്ചാം മത്സരത്തിൽ ഗ്ലോബ്‌വിൻ ലോജിസ്റ്റിക്‌സ് നാല് വിക്കറ്റിന് റിബൽസ് റിയാദിനെ പരാജയപ്പെടുത്തി. റിബൽസ് അഞ്ച് വിക്കറ്റ് നഷ്ടത്തിൽ 125 റൺസ് നേടിയപ്പോൾ ഗ്ലോബ്‌വിൻആറ് വിക്കറ്റ് നഷ്ടത്തിൽ ലക്ഷ്യം മറികടന്നു. വിനീത് ചാർലി മാൻ ഓഫ് ദ മാച്ചായി.
മൻസൂർ, നൗഫൽ അബ്ദുസ്സലാം, ഷെബി അബ്ദുസ്സലാം, ഇസ്മായിൽ കൊടിഞ്ഞി, നംഷീർ എന്നിവർ അമ്പയർമാരായി. ഉനൈസ് ഖാൻ, നൈമു, ചാക്കോ, ഖൈസ്, റിജേഷ് എന്നിവർ സഹ റഫറിമാരായി.
നസീം ഏരിയ പ്രസിഡന്റ് ഉല്ലാസൻ, മലാസ് ഏരിയ കമ്മറ്റി അംഗം ഉനൈസ്ഖാൻ, സുലൈ ഏരിയ കമ്മറ്റി അംഗം അബ്ദുൽ സലാം, ന്യൂസനയ്യ ലാസുർധി യൂണിറ്റ് നിവാഹക സമിതി അംഗം സുജിത്ത്, റഫറി നൈമുദ്ദീൻ എന്നിവർ മാൻ ഓഫ് ദി മാച്ച് പുരസ്‌കാരങ്ങൾ നൽകി.
24 ടീമുകൾ മാറ്റുരയ്ക്കുന്ന മൂന്ന് മാസം നീളുന്ന ടൂർണമെന്റിൽ ആറ് ഗ്രൂപ്പുകളിലായാണ് മത്സരങ്ങൾ. നവംബർ പകുതിയോടെ ലീഗ് മത്സരങ്ങൾ പൂർത്തിയാകും. സെമി ഫൈനലും ഫൈനലും ഡിസംബറിലാണ് നിശ്ചയിച്ചിരിക്കുന്നത്.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group