മൂന്നര പതിറ്റാണ്ടിൻ്റെ പ്രവാസം അവസാനിപ്പിച്ചവർക്ക് യാത്രയയപ്പ് നൽകി

അൽകോബാർ: മൂന്നര പതിറ്റാണ്ടിലധികം കാലത്തെ പ്രവാസജീവിതം അവസാനിപ്പിച്ച് നാട്ടിലേക്ക് മടങ്ങുന്ന റ്റി.ഡി.എം ഹബീബ് അമ്പാടൻ, റ്റി.ഡി.എം. കദീജ ഹബീബ് എന്നിവർക്ക് സഹപ്രവർത്തകർ ഊഷ്‌മളമായ യാത്രയയപ്പ് നൽകി. ക്ലാസിക് റെസ്റ്റോറന്റിൽ ചേർന്ന ചടങ്ങിൽ ഏരിയ60 ഡയറക്ടർ റ്റി.ഡി.എം ഹാരിഷ്. പി.വി. സ്വാഗതം പറഞ്ഞു.

ഏരിയ 15, ഏരിയ 60 സംയുക്തമായാണ് യാത്രയയപ്പ് സംഘടിപ്പിച്ചത്. റ്റി.എം. മുഹമ്മദ് മുനീർ, ഷൈല കോയ, ശേഖർ തിവാരി, അലക്സ് ഫിലിപ്, ലീന ഉണ്ണികൃഷ്ണൻ, നിയാസ് നാസർ, റിയാസ് മുഹമ്മദ്, ഹയ്യും ഷാ ഷെയ്ഖ്, ഷാനവാസ് ഖാൻ എന്നിവർ ആശംസ നേർന്നു.