ഐചി നഗോയ- ജപ്പാനിലെ ഐചി നഗോയയിൽ നടക്കുന്ന ഏഷ്യൻ ഗെയിംസിൽ സൗദി അറേബ്യക്ക് ആദ്യ സ്വർണ്ണ മെഡൽ. കുതിര സവാരി (എക്വെസ്ട്രിയൻ ടീം ജമ്പിങ്)യിലാണ് അഭിമാന നേട്ടം കൈവരിച്ചത്.
അബ്ദുൽറഹ്മാൻ അൽ രാജ്ഹി, റംസി അൽ ദുഹാമി, സാദ് അൽ അജ്മി, ഖാലിദ് അൽ മൊബ്തി എന്നിവരടങ്ങിയ സഖ്യമാണ് രാജ്യത്തിന് ഈ അഭിമാന നേട്ടം സമ്മാനിച്ചത്. കഴിഞ്ഞ അഞ്ച് ഏഷ്യൻ ഗെയിംസ് പതിപ്പുകളിൽ നാലിലും ഈ ഇനത്തിൽ സൗദി അറേബ്യ സ്വർണ്ണം നേടിയിട്ടുണ്ട്.
മത്സരത്തിൽ യു എ ഇ വെള്ളിയും ജപ്പാൻ വെങ്കലവും നേടി. സ്വർണ്ണ മെഡലിന് പുറമെ 2 വെള്ളിയും 9 വെങ്കലവും അടക്കം ആകെ 12 മെഡലുകളാണ് സൗദിയുടെ അക്കൗണ്ടിലുള്ളത്.