കോവിഡ് വാക്സിനേഷൻ സർട്ടിഫിക്കറ്റിൽനിന്ന് മോഡിയുടെ ചിത്രം നീക്കം ചെയ്തു

ന്യൂദൽഹി- പ്രധാനമന്ത്രി നരേന്ദ്ര മോദിയുടെ ചിത്രം കോവിഡ് വാക്സിനേഷൻ സർട്ടിഫിക്കറ്റിൽനിന്ന് നീക്കം ചെയ്ത് കേന്ദ്ര ആരോഗ്യ മന്ത്രാലയം കോവിഡ്-19 വാക്സിനേഷനുള്ള CoWIN സർട്ടിഫിക്കറ്റുകൾ അപ്ഡേറ്റ് ചെയ്തു.

നേരത്തെ ഈ സർട്ടിഫിക്കറ്റുകളിൽ കൊറോണ വൈറസ് പാൻഡെമിക്കിനെ മറികടക്കാനുള്ള ഇന്ത്യയുടെ ഏകീകൃത ദൃഢനിശ്ചയം ഊട്ടിയുറപ്പിക്കുന്ന ഉദ്ധരണിക്കൊപ്പം മോദിയുടെ ചിത്രവും പ്രാധാന്യത്തോടെ പ്രദർശിപ്പിച്ചിരുന്നു. “ഒരുമിച്ച്, ഇന്ത്യ COVID-19 നെ പരാജയപ്പെടുത്തും” എന്ന ഉദ്ധരണിയായിരുന്നു ഉണ്ടായിരുന്നത്. ഇതാണ് നീക്കം ചെയ്തത്.

അതേസമയം, ലോക്സഭ തെരഞ്ഞെടുപ്പിലെ പെരുമാറ്റച്ചട്ടം കാരണമാണ് ചിത്രം നീക്കം ചെയ്തത് എന്നാണ് ആരോഗ്യ കുടുംബക്ഷേമ മന്ത്രാലയത്തിലെ ഉദ്യോഗസ്ഥർ വിശദീകരിക്കുന്നത്.