മസ്കത്ത്– ഐസിസി പുരുഷ ടി20 ലോകകപ്പ് 2026-ലേക്ക് യോഗ്യത നേടി ഒമാൻ. ഏഷ്യ/ഈസ്റ്റ് ഏഷ്യ-പസഫിക് യോഗ്യതാ ടൂർണമെന്റിലെ സൂപ്പർ സിക്സ് ഘട്ടത്തിൽ നാലു മത്സരങ്ങളിൽ മൂന്നും ജയിച്ച് ആറ് പോയിന്റുകൾ നേടിയാണ് ഒമാൻ യോഗ്യത ഉറപ്പിച്ചത്. ഇന്നലെ നടന്ന നേപ്പാളുമായുള്ള മത്സരത്തിൽ പരാജയപ്പെട്ടെങ്കിലും, ഇരു ടീമുകളും ലോകകപ്പ് ടിക്കറ്റ് സുഗമമായി ഉറപ്പിച്ചു.
ഗ്രൂപ്പ് ഘട്ടത്തിൽ സമോവയെയും പാപുവ ന്യൂ ഗിനിയയെയും പരാജയപ്പെടുത്തിയ ശേഷം ഒമാൻ സൂപ്പർ സിക്സ് ഘട്ടത്തിലേക്ക് രണ്ടിൽ കൂടുതൽ പോയിൻ്റുകൾ നേടിയിരുന്നു.
കൂടാതെ സൂപ്പർ സിക്സിൽ 172 എന്ന നിലയിൽ ഖത്തറിനെതിരെ ആദ്യ വിജയം നേടി.ഒമാനിലെ ജിതൻ രാമാനന്ദിയാണ് ടൂർണമെന്റ്റിലെ ഏറ്റവും ഉയർന്ന വിക്കറ്റ് വേട്ടക്കാരിൽ നാലാമൻ. 2026 ഫെബ്രുവരി മുതൽ മാർച്ച് വരെയാണ് ലോകകപ്പ് മത്സരങ്ങൾ നടത്താൻ നിശ്ചയിച്ചിരിക്കുന്നത്.
ഇന്ന് നടന്ന മറ്റൊരു യോഗ്യത മത്സരത്തിൽ ജപ്പാനിനെ എട്ടു വിക്കറ്റുകൾക്ക് പരാജയപ്പെടുത്തി യു.എ.ഇയും ലോകകപ്പിലേക്ക് യോഗ്യത നേടി. ഇതോടെ ലോകകപ്പിലേക്ക് യോഗ്യത നേടുന്ന ടീമുകളുടെ എണ്ണം പൂർത്തിയായി.