മക്ക – തീർത്ഥാടകർക്ക് ആവശ്യമായ സൗകര്യങ്ങൾ ഒരുക്കുന്നതിൽ എന്നും മുൻപന്തിയിലാണ് ഹറമിലെ സുരക്ഷാസൈനികർ. ആ ശ്രേണിയിലെ പുതിയൊരു കാഴ്ചയാണ് കഴിഞ്ഞ ദിവസം പുറത്തുവന്നത്. വിശുദ്ധ ഹറമിന് പുറത്ത് കടുത്ത തിരക്കില്‍ പിഞ്ചുകുഞ്ഞിനെ എടുത്ത് സംരക്ഷിച്ച് സുരക്ഷാ ഭടന്‍. ശ്വാസംമുട്ടുന്ന കടുത്ത തിരക്കിനിടെയാണ് മാതാവിന്റെ കൈയില്‍ നിന്ന് പിഞ്ചുകുഞ്ഞിനെ സുരക്ഷാ ഭടന്‍ വാങ്ങി ഇരുകൈകളിലും മുകളിലേക്ക് എടുത്തുയര്‍ത്തിയത്.
തിരക്കിന് ശമനമുള്ള സ്ഥലത്ത് സുരക്ഷിതമായി എത്തിച്ച ശേഷം കുഞ്ഞിനെ സുരക്ഷാ ഭടന്‍ മാതാവിന്റെ കൈകളില്‍ തിരിച്ചേല്‍പിച്ചു. കടുത്ത തിരക്കില്‍ സുരക്ഷാ ഭടന്‍ ഇരുകൈകളിലും പിഞ്ചുകുഞ്ഞിനെ എടുത്തുയര്‍ത്തി നീങ്ങുന്നതിന്റെ ദൃശ്യം അടങ്ങിയ ഫോട്ടോ സാമൂഹിക മാധ്യമങ്ങളില്‍ വൈറലായി.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group