റിയാദ് – മകന്റെ ഘാതകന് സൗദി പൗരന്‍ നിരുപാധികം മാപ്പ് നല്‍കി. സൗദി യുവാവ് ശാഹിര്‍ അല്‍ഹാരിസിക്കാണ് വധശിക്ഷ നടപ്പാക്കാന്‍ ദിവസങ്ങള്‍ മാത്രം ബാക്കി നില്‍ക്കെ കൊല്ലപ്പെട്ട യുവാവിന്റെ പിതാവ് ആതി അല്‍മാലികി മാപ്പ് നല്‍കിയത്.
പ്രതിക്ക് മാപ്പ് ലഭ്യമാക്കാനുള്ള മധ്യസ്ഥ ചര്‍ച്ചകള്‍ക്ക് എത്തിയ പൗരപ്രമുഖര്‍ അടക്കമുള്ളവര്‍ക്ക് മുന്നില്‍ വെച്ചാണ് മകന്റെ ഘാതകന് ദൈവീക പ്രീതി മാത്രം കാംക്ഷിച്ച് മാപ്പ് നല്‍കുന്നതായി ആതി അല്‍മാലികി പ്രഖ്യാപിച്ചത്. ഇത് കേട്ട് ആശ്ലേഷിച്ചും സ്‌നേഹ ചുംബനം നല്‍കിയും മറ്റുള്ളവര്‍ ആതി അല്‍മാലികിയെ അനുമോദിക്കുകയും പ്രശംസിക്കുകയും ചെയ്തു. ഇതിന്റെ ദൃശ്യങ്ങള്‍ അടങ്ങിയ വീഡിയോ വൈറലായി.
(റിയാദിൽ വധശിക്ഷക്ക് വിധിക്കപ്പെട്ട് ജയിലിൽ കഴിയുന്ന മലയാളി അബ്ദുൽ റഹീമിന്റെ കേസുമായി ഇതിന് ബന്ധമില്ല. അത്തരത്തിൽ ചില ഓൺലൈൻ മാധ്യമങ്ങൾ വാർത്തകൾ നൽകുന്നുണ്ട്.)