യുഎസിലെ ചികിത്സ കഴിഞ്ഞ് മുഖ്യമന്ത്രി ദുബൈൽ; ചൊവ്വാഴ്ച കേരളത്തിലേക്ക് മടങ്ങും

ദുബൈ– യുഎസിലെ ചികിത്സ കഴിഞ്ഞ് മുഖ്യമന്ത്രി പിണറായി വിജയൻ ദുബൈലെത്തി. ചികിത്സയ്ക്കായി ജൂലൈ അഞ്ചിനാണ് അദ്ദേഹം യുഎസിലേക്ക് പോയത്. പിന്നീട് ശനിയാഴ്ച രാവിലെ ദുബൈൽ എത്തുകയായിരുന്നു. ഭാര്യ കമല വിജയനും അദ്ദേഹത്തിനൊപ്പമുണ്ട്. ഗ്രാൻഡ് ഹയാത്ത് ഹോട്ടലിലാണ് ഇരുവരും താമസിക്കുന്നത്. ദുബായിൽ മുഖ്യമന്ത്രിയ്ക്ക് ഔദ്യോഗിക പരിപാടികളൊന്നുമില്ലെന്നാണ് വിവരം. ചൊവ്വാഴ്ച അദ്ദേഹം കേരളത്തിലേക്ക് മടങ്ങും.

യുഎസിൽ മിനസോട്ടയിലെ മയോ ക്ലിനിക്കിലായിരുന്നു അദ്ദേഹത്തിന്റെ ചികിത്സ. ഇത് നാലാം തവണയാണ് മുഖ്യമന്ത്രി ചികിത്സയ്ക്കായി അമേരിക്കയിലെത്തുന്നത്. നേരത്തെ നടത്തിയിരുന്ന ചികിത്സയുടെ തുടർച്ചയായുള്ള പരിശോധനകൾക്കായിരുന്നു യാത്ര.