മക്ക – വിശുദ്ധ റമദാനില്‍ തീര്‍ഥാടകരുടെയും സന്ദര്‍ശകരുടെയും വാഹനങ്ങള്‍ നിര്‍ത്തിയിടാന്‍ ബന്ധപ്പെട്ട വകുപ്പുകളുമായി സഹകരിച്ച് മക്കയില്‍ 11 പാര്‍ക്കിംഗുകള്‍ സജ്ജീകരിച്ചതായി ട്രാഫിക് ഡയറക്ടറേറ്റ് അറിയിച്ചു. ഈ പാര്‍ക്കിംഗുകളില്‍ നിന്ന് വിശുദ്ധ ഹറമിലേക്കും തിരിച്ചും ബസ് ഷട്ടില്‍ സര്‍വീസുകള്‍ അടക്കമുള്ള പൊതുഗതാഗത സംവിധാനങ്ങള്‍ ഏര്‍പ്പെടുത്തിയിട്ടുണ്ട്. ആറു പാര്‍ക്കിംഗുകള്‍ മക്കക്കു സമീപവും അഞ്ചു പാര്‍ക്കിംഗുകള്‍ മക്കയുടെ പ്രവേശന കവാടങ്ങളിലുമാണ്. ജംറ, ദഖം അല്‍വബര്‍, അമീര്‍ മിത്അബ്, കുദയ്, അല്‍സാഹിര്‍, അല്‍റസീഫ പാര്‍ക്കിംഗുകളാണ് മക്കയോട് ചേര്‍ന്നുള്ളത്. അല്‍ശറായിഅ്, ലൈത്ത്, ജിദ്ദ എക്‌സ്പ്രസ്‌വേ, അല്‍ഹദ, അല്‍നൂരിയ എന്നീ പാര്‍ക്കിംഗുകളാണ് മക്കയുടെ പ്രവേശന കവാടങ്ങളിലുള്ളതെന്നും ട്രാഫിക് ഡയറക്ടറേറ്റ് അറിയിച്ചു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group