കോഴിക്കോട്- വധശിക്ഷയില്‍ നിന്ന് മോചനം ലഭിച്ച് റിയാദ് ജയിലില്‍ കഴിയുന്ന കോഴിക്കോട് സ്വദേശി അബ്ദുറഹീമിനെ കാണാന്‍ മാതാവും സഹോദരനും റിയാദിലേക്ക് പുറപ്പെട്ടു. ഉമ്മ ഫാത്തിമയും സഹോദരന്‍ നസീറുമാണ് റിയാദിലേക്ക് പോകുന്നത്.
നാളെ ഇവര്‍ ജയില്‍ സന്ദര്‍ശിക്കുമെന്നാണ് വിവരം. ശേഷം റിയാദിലെ റഹീം നിയമസഹായസമിതി അംഗങ്ങളെ കാണും. ഉംറ നിര്‍വഹിച്ച ശേഷം തിരിച്ചുപോകും.സാമൂഹിക പ്രവര്‍ത്തകരുടെ സഹായത്തോടെയാണ് റഹീമിന്റെ ഉമ്മ ഫാത്തിമയും സഹോദരന്‍ നസീറും റിയാദിലെത്തുന്നത്. 18 വര്‍ഷത്തിന് ശേഷം മകനെ നേരിട്ടു കാണാമെന്ന ആശ്വാസത്തിലാണ് ഉമ്മ. ഇന്ന് ഉച്ചയോടെ ഇവര്‍ റിയാദിലെത്തും.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group