റിയാദ്: കഴിഞ്ഞ ദിവസം വയാനാട് ചൂരൽമലയിലുണ്ടായ പ്രകൃതിക്ഷോഭത്തിൽ ദുരിതമനുഭവിക്കുന്നവരെ ചേർത്ത് പിടിക്കാനും സാന്ത്വനം നൽകാനും ഇന്ത്യൻ നാഷണൽ ലീഗ് സംസ്ഥാന കമ്മറ്റിയുടെ ആഹ്വാനപ്രകാരം ഐ.എം.സി.സി സൗദി സൗദി നാഷണൽ എക്സിക്യൂട്ടീവ് പദ്ധതിക്ക് രൂപം നൽകി. സൈനുദ്ദീൻ അമാനിയുടെ പ്രാർഥനയോടെ ആരംഭിച്ച യോഗത്തിൽ നാഷണൽ കമ്മറ്റി പ്രസിഡൻ്റ് സഈദ് കള്ളിയത്ത് അധ്യക്ഷതവഹിച്ചു.
ഐ.എം.സി.സി ഹജ് വളണ്ടിയർ ക്യാപ്റ്റർ സജിമോൻ തൈപ്പറമ്പിനെയും വളണ്ടിയർമാരെയും അഭിനന്ദിച്ചു. വയനാട് ആശ്വാസ ഫണ്ട് സഈദ് കള്ളിയത്ത് ഉദ്ഘാടനം ചെയ്തു. സൈനുദ്ദീൻ അമാനി, ഇസ്ഹാഖ് തയ്യിൽ , മുഹമ്മദ് ഗസ്നി വട്ടക്കിണർ, റാശിദ് കോട്ടപ്പുറം,അഫ്സൽ കാട്ടാമ്പള്ളി ,അബ്ബാസ് ബേക്കൽ, ശിഹാബ് വടകര, ഇർഷാദ് കളനാട്, സജിമോൻ തൈപ്പറമ്പിൽ പ്രസംഗിച്ചു. ജനറൽ സെക്രട്ടറി ഹനീഫ് അറബി സ്വാഗതം പറഞ്ഞു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group