ഒമാൻ ഇന്ത്യൻ എംബസിയിലേക്ക് ക്ലർക്ക് തസ്തികയിലേക്ക് അപേക്ഷ ക്ഷണിച്ചു

മസ്കത്: ഇന്ത്യൻ എംബസിയിലേക്കു ക്ലർക്ക് തസ്തികയിലേക്ക് അപേക്ഷ ക്ഷണിച്ചു. അറബി, ഹിന്ദി ഭാഷയിൽ പരിജ്ഞാനവും, പോസ്റ്ററുകൾ, വിഷ്വൽ കണ്ടന്റ് തുടങ്ങിയവ നിർമിക്കുന്നതിലും വിഡിയോ എഡിറ്റിങ്ങും അറിയുന്ന ബിരുദധാരികൾക്കു അപേക്ഷിക്കാം.

റിപ്പോർട്ടുകൾ, കത്തുകൾ, മറ്റു ഒഫിഷ്യൽ രേഖകൾ തുടങ്ങിയവ നിർമ്മിക്കുക, എംബസി ജീവനക്കാരെ സേവനങ്ങളിൽ സഹായിക്കുക തുടങ്ങിയവയാണ് ജോലികൾ.

അപേക്ഷ സമർപ്പിക്കാനുള്ള അവസാന തീയതി ഈ മാസം 12 ആണ്. അപേക്ഷകന് കാലാവധിയുള്ള ഒമാൻ റസിഡൻസ് വിസ ഉണ്ടായിരിക്കണം. പ്രായം 21നും 40നും ഇടയിൽ ആയിരിക്കണമെന്നും നിബന്ധനയുണ്ട്.

അപേക്ഷ നൽകാൻ ഇവിടെ ക്ലിക്ക് ചെയ്യുക.