ഇബ്രാഹിം നബിയും കുടുംബവും ദൈവീക സമർപ്പണത്തിന്റ ഉദാത്ത മാതൃക- ഹുദാ സെന്റർ ഈദ് മുസല്ല

കുവൈത്ത് സിറ്റി: കുവൈത്ത് ഇന്ത്യൻ ഇസ്ലാഹി സെന്റർ ബലിപ്പെരുന്നാളിന് ഈദ് മുസല്ല സംഘടിപ്പിച്ചു. മംഗഫ് ബ്ലോക്ക്‌ 4 സമീപമുള്ള ബീച് ഏരിയയിൽ നടന്ന ഈദ് നമസ്‌കാരത്തിന് സെന്റർ സെന്റർ സെക്രട്ടറി ആദിൽ സലഫി നേതൃത്വം നൽകി. ഈദിന്റെ ഈ സന്തോഷസുദിനങ്ങളിൽ പ്രവാചകൻ ഇബ്രാഹിം നബിയുടെ ആത്മ തർപ്പണത്തിൽ നിന്നും മാതൃക ഉൾക്കൊള്ളുവാനും ധാരാളമായി ദൈവ പ്രകീർത്തനങ്ങൾ നടത്താനും വിശ്വാസികളെ ഉൽബോധിപ്പിച്ചു.

അറ്റുപോയ സാഹോദര്യ ബന്ധങ്ങളുടെ കണ്ണി ചേർക്കാനും സാമൂഹിക ബന്ധങ്ങൾ കാത്തു സൂക്ഷിക്കാനും വിശ്വാസികൾ പ്രതിജ്ഞാ ബദ്ധരാകണമെന്നും അദ്ദേഹം ഉണർത്തി.
തിങ്കളാഴ്ച കുവൈത്ത് ശർക്കിലുള്ള അവാദി ഓഡിറ്റോറിയത്തിൽ ഹുദാ സെന്റർ കെ എൻ എം സംഘടിപ്പിക്കുന്ന ഈദ് സോഷ്യൽ മീറ്റിൽ എല്ലാവരെയും ക്ഷണിക്കുന്നതായി സെന്റർ ജനറൽ സെക്രട്ടറി അബ്ദുറഹ്മാൻ അടക്കാനി അറിയിച്ചു. വൈകിട്ട് 5 മണി മുതൽ 9 വരെയാണ് പരിപാടി.