മോശം വാർത്തക്കായി കാത്തിരിക്കുന്നുവെന്ന് ഇറാൻ മാധ്യമങ്ങൾ

ടെഹ്റാൻ- ഇറാൻ പ്രസിഡന്റ് ഇബ്രാഹിം റെയ്സിയുടെ ഹെലികോപ്റ്റർ വ്യൂഹം അപകടത്തിൽ പെട്ടതുമായി ബന്ധപ്പെട്ട് മോശം വാർത്തക്കായി കാത്തിരിക്കുകയാണെന്ന് ഇറാൻ മാധ്യമങ്ങൾ റിപ്പോർട്ട് ചെയ്യുന്നു. ഇറാൻ പ്രസിഡന്റിന് വേണ്ടി പ്രാർത്ഥിക്കാനും ഔദ്യോഗിക ടി.വി ചാനൽ അഭ്യർത്ഥിച്ചു.

അപകടമുണ്ടായ സ്ഥലത്തേക്ക് രക്ഷാപ്രവർത്തകർ എത്തി തുടങ്ങിയിട്ടുണ്ട്. എട്ടു ആംബുലൻസുകളും സംഭവ സ്ഥലത്തേക്ക് തിരിച്ചു. മോശം കാലാവസ്ഥ കാരണം ഈ മേഖലയിൽ രക്ഷാപ്രവർത്തനം ദുഷ്കരമാണ്.

അതേസമയം, അപകടമുണ്ടായ സ്ഥലത്ത് ലാന്റ് ചെയ്യാനുള്ള രക്ഷാപ്രവർത്തകരുടെ ഹെലികോപ്റ്ററിന്റെ ശ്രമം രണ്ടു തവണയും വിഫലമായി. കനത്ത മൂടൽ മഞ്ഞാണ് ഇവിടെ ഇപ്പോഴുമുള്ളത്.