ഇന്ത്യൻ എ.ഐ സ്റ്റാർട്ടപ്പായ ‘സർവ്വം’ പുതിയ എ.ഐ മോഡൽ പുറത്തിറക്കി. പുതിയ ഫ്ളാഗ്ഷിപ്പ് ലാർജ് ലാംഗ്വേജ് മോഡലായ (എൽ.എൽ.എം) എ.ഐ ക്ക് ‘സർവ്വം-എം’ എന്നാണ് പേര് നൽകിയിരിക്കുന്നത്. ഇന്ത്യൻ ഭാഷകൾ തിരിച്ചറിയാനുള്ള കഴിവുകൾ മെച്ചപ്പെടുത്തിക്കൊണ്ട് എത്തിയ സർവം-എം; 2400 കോടി പാരാമീറ്റർ ഓപ്പൺ വെയ്റ്റ്‌സ് ഹൈബ്രിഡ് ലാംഗ്വേജ് മോഡലാണ്. ഗണിതം, പ്രോഗ്രാമിങ് ലാംഗ്വേജിന് പുറമേ വിവിധ ആവശ്യങ്ങൾക്കായും ഇതിനെ ഉപയോഗിക്കമെന്ന് അധികൃതർ അവകാശപ്പെടുന്നു.
മിക്ക ബെഞ്ച് മാർക്കുകളിലും മെറ്റയുടെ എ.ഐ മോഡലായ ലാമ-4 സ്‌കൗട്ടിനെ മറികടക്കുന്ന പ്രകടനം സർവം-എം നടത്തിയെന്നാണ് റിപ്പോർട്ടുകൾ. ലാമ 3.3 70ബി, ജെമ്മ 3 27ബി എന്നിവയുമായി താരതമ്യപ്പെടുത്താവുന്ന മോഡലാണിതെന്നും കമ്പനി അവകാശപ്പെടുന്നു. ഇംഗ്ലീഷ്, മലയാളം, ഹിന്ദി, പഞ്ചാബി, മറാത്തി, ഒഡിയ, തമിഴ്, ബംഗാളി, തെലുങ്ക്, കന്നട, ഗുജറാത്തി എന്നീ 11 ഭാഷകൾ മനസിലാക്കാനും സംസാരിക്കാനും സർവം-എം എ.ഐ ക്ക് സാധിക്കും.
ഉപഭോക്താവിന്റെ ശബ്ദവും എഐ മോഡലിന് നൽകാൻ സാധിക്കുന്ന സർവ്വം-എം, എന്നാൽ എംഎംൽയു പോലുള്ള ഇംഗ്ലീഷ് പരിജ്ഞാന ബെഞ്ച് മാർക്കുകളിൽ സർവം-എം പിന്നിലാണ്.