തന്ത്രപ്രധാനമായ ഹുര്മുസ് കടലിടുക്ക് അടക്കാന് കഴിഞ്ഞ മാസം ഇറാന് ഒരുക്കങ്ങള് നടത്തിയിരുന്നതായി രണ്ട് അമേരിക്കന് ഉദ്യോഗസ്ഥര് പറഞ്ഞു. കടലിടുക്ക് അടക്കാനുള്ള തയാറെടുപ്പിന്റെ ഭാഗമായി കപ്പലുകളില് ഇറാന് സൈന്യം സമുദ്ര മൈനുകള് കയറ്റിയിരുന്നു. ഇറാനിലുടനീളമുള്ള കേന്ദ്രങ്ങളില് ഇസ്രായില് നടത്തിയ ആക്രമണങ്ങളെ തുടര്ന്ന് ഹുര്മുസ് കടലിടുക്ക് അടക്കാന് ഇറാന് തയാറെടുക്കുകയാണെന്ന അമേരിക്കയുടെ ആശങ്ക ഇത് വര്ധിപ്പിച്ചു.