25 വർഷം മുമ്പ് നഷ്ടപ്പെട്ട സ്വർണമാല, തൊഴിലുറപ്പ് തൊഴിലാളികളുടെ സത്യസന്ധതയിൽ തിരികെ ലഭിച്ചു. രാമപുരം സ്കൂൾപടി കല്ലറ കുന്നത്ത് കോളനിക്ക് സമീപമുള്ള പിലാപ്പറമ്പ് ക്വാറിയിൽ, മച്ചിങ്ങൽ മുഹമ്മദിന്റെ ഭാര്യ ആമിനയുടെ നാലര പവൻ സ്വർണമാല വസ്ത്രമലക്കുന്നതിനിടെ നഷ്ടപ്പെട്ടിരുന്നു. 25 വർഷം മുമ്പാണ് ഈ സംഭവം. അന്ന് വിപുലമായ തിരച്ചിൽ നടത്തിയെങ്കിലും മാല കണ്ടെത്താനായില്ല.