ജിദ്ദ – മുന്‍ ഇന്ത്യന്‍ പ്രധാനമന്ത്രി ഡോ. മന്‍മോഹന്‍ സിംഗിന്റെ വിയോഗത്തില്‍ തിരുഗേഹങ്ങളുടെ സേവകന്‍ സല്‍മാന്‍ രാജാവ് അനുശോചിച്ചു. അനുശോചനം അറിയിച്ച് രാഷ്ട്രപതി ദ്രൗപതി മുര്‍മുവിന് സല്‍മാന്‍ രാജാവ് സന്ദേശം അയച്ചു.
മന്‍മോഹന്‍ സിംഗിന്റെ വിയോഗത്തില്‍ രാഷ്ട്രപതിയോടും മുന്‍ പ്രധാനമന്ത്രിയുടെ കുടുംബത്തോടും ഇന്ത്യന്‍ ജനതയോടും അഗാധമായ അനുശോചനവും ആത്മാര്‍ഥമായ അനുതാപവും അറിയിക്കുന്നതായി സന്ദേശത്തില്‍ സല്‍മാന്‍ രാജാവ് പറഞ്ഞു. ഡോ. മന്‍മോഹന്‍ സിംഗിന്റെ വിയോഗത്തില്‍ അനുശോചനം അറിയിച്ച് സൗദി കിരീടാവകാശിയും പ്രധാനമന്ത്രിയുമായ മുഹമ്മദ് ബിന്‍ സല്‍മാന്‍ രാജകുമാരനും രാഷ്ട്രപതിക്ക് സന്ദേശമയച്ചു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group