തൃക്കരിപ്പൂര്‍-കാസര്‍ക്കോട് പടന്നയില്‍ തോണി മറിഞ്ഞ് മത്സ്യത്തൊഴിലാളി മരിച്ചു. ഒറ്റയ്ക്ക് മീന്‍പിടിക്കാന്‍ പോയ പടന്ന, വടക്കേപ്പുറത്ത് ദിവാകരന്‍ ആണ് മരിച്ചത്. നാട്ടുകാര്‍ കായലില്‍ നടത്തിയ തിരച്ചിലിലാണ് മൃതദേഹം കണ്ടെത്താനായത്.
ഇന്ന് കാലത്ത് അഞ്ചോടെയാണ് ദിവാകരന്‍ സ്വന്തം ചെറുവള്ളത്തില്‍ മീന്‍ പിടിക്കാനായി കായലിലേക്ക് പോയത്. ഉച്ചയായിട്ടും തിരിച്ചുവരാതായതോടെയാണ് വീട്ടുകാരും നാട്ടുകാരും അന്വേഷിച്ചിറങ്ങയത്. തിരച്ചിലില്‍ കായലിന്റെ തീരത്തുനിന്നും തോണി കണ്ടെത്തുകയായിരുന്നു. പിന്നാലെ നാട്ടുകാരും അഗ്നി സുരക്ഷാ സേനയും ചേര്‍ന്ന് കായലില്‍ വലയിട്ട് തിരച്ചല്‍ നടത്തി. ഉച്ചയ്ക്ക് മുന്നര മണിയോടെയാണ് ദിവാകരന്റെ മൃതദേഹം കണ്ടെത്താനായത്. മൃതദേഹം പടന്ന ജില്ലാ ആശുപത്രിയില്‍ സൂക്ഷിച്ചിരിക്കുകയാണ്.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group