തിരുവനന്തപുരം– സംസ്ഥാനത്ത് എസ്ഐആർ നടപടിക്രമങ്ങൾ പൂർത്തിയായി കരട് വോട്ടർപട്ടിക പ്രസിദ്ധീകരിച്ചു. പട്ടികയിൽ നിന്ന് 24,80,503 പേരെ വോട്ടർപട്ടികയിൽ നിന്ന് ഒഴിവാക്കിയതായി മുഖ്യ തിരഞ്ഞെടുപ്പ് ഓഫിസർ രത്തൻ യു. കേൽക്കർ വ്യക്തമാക്കി. പട്ടികയുടെ അച്ചടിച്ച പതിപ്പ് രാഷ്ട്രീയപാർട്ടികൾക്കു കൈമാറി. 2,54,42,353 വോട്ടർമാരാണ് പട്ടികയിൽ ഇടം നേടിയത്.
കണ്ടെത്താൻ കഴിയാത്തവർ, മരിച്ചവർ, ഇരട്ട വോട്ടുള്ളവർ, സ്ഥലം മാറിപ്പോയവർ എന്നിവരെയാണ് പട്ടികയിൽ നിന്ന് ഒഴിവാക്കിയിരിക്കുന്നത്. കരട് പട്ടികയിൽ പേരില്ലാത്തവർക്ക് വീണ്ടു പേർ ചേർക്കാൻ ഫോം 6 പൂരിപ്പിച്ചു നൽകണം. ഇന്നു മുതൽ ഒരു മാസത്തേക്ക് പരാതികൾ ഉൾപ്പെടെ പരിഗണിക്കും. വിദേശത്തുള്ളവർ പേരു ചേർക്കാൻ ഫോം 6 എ നൽകണം.
ജനുവരി 22 വരെയാണ് പരാതികളും മറ്റും പരിഗണിക്കുക. ഹിയറിങ്ങിൽ പരാതി ഉണ്ടെങ്കിൽ 15 ദിവസത്തിനകം കലക്ടർക്ക് അപ്പീൽ നൽകാം. വോട്ടർമാർക്ക് മുഖ്യതിരഞ്ഞെടുപ്പ് ഓഫിസറുടെ വെബ്സൈറ്റായ ww.ceo.kerala.gov.in/voters-corner വഴിയോ തിരഞ്ഞെടുപ്പ കമ്മിഷന്റെ ecinet മൊബൈൽ ആപ് വഴിയോ voters.eci.gov.in വെബ്സൈറ്റ് വഴിയോ കരട് വോട്ടർപട്ടിക പരിശോധിച്ച് ഉറപ്പു വരുത്താം.