കൊച്ചി: തുടര്ച്ചയായി വിമാനത്താവളത്തിന്റെ പ്രവര്ത്തനങ്ങള് തടസപ്പെടുന്നതുമൂലം ദുബായിലേക്കും തിരിച്ചുമുള്ള വിമാന സര്വീസുകള് റദ്ദാക്കിയതായി എയര് ഇന്ത്യ. തടസങ്ങള് ഉടന് നീക്കം ചെയ്യുമെന്നും അതിനുശേഷം സര്വീസ് പുനരാരംഭിക്കുമെന്നും എയര് ഇന്ത്യ വ്യക്തമാക്കി. ഏപ്രില് 21 വരെ എയര് ഇന്ത്യയില് ബുക്ക് ചെയ്ത മുഴുവന് യാത്രക്കാര്ക്കും റീഫണ്ടും റീ ഷെഡ്യൂളിങില് ഇളവും നല്കും. കൂടുതല് വിവരങ്ങള്ക്ക് 011-69329333 / 011-69329999 എന്ന നമ്പറിലോ http:// airindia.com എന്ന എയര് ഇന്ത്യയുടെ വെബ്സൈറ്റിലോ ബന്ധപ്പെടാം. അതിനിടെ , മിഡില് ഈസ്റ്റിലെ പ്രത്യേക സാഹചര്യം കണക്കിലെടുത്ത് ടെല് അവീവിലേക്കും തിരിച്ചുമുള്ള വിമാന സര്വീസുകളും എയര് ഇന്ത്യ റദ്ദുചെയ്തു. യാത്രക്കാരുടെയും ജീവനക്കാരുടെയും സുരക്ഷയ്ക്കാണ് തങ്ങള് മുന്ഗണന നല്കുന്നതെന്ന് എയര് ഇന്ത്യ പ്രതികരിച്ചു.
ദുബായിലേക്കും തിരിച്ചുമുള്ള എയര് ഇന്ത്യ വിമാനങ്ങള് റദ്ദാക്കി
