ന്യൂദൽഹി- കേരളത്തിൽ യു,ഡി.എഫും എൽ.ഡി.എഫും തമ്മിൽ നടന്നത് ഇഞ്ചോടിഞ്ച് പോരാട്ടമാണെന്നാണ് ടുഡേഴ്സ് ചാണക്യ സർവേയിലുള്ളത്. 55 മുതൽ 71 വരെ സീറ്റുകളാണ് എൽ.ഡി.എഫിന് പ്രവചിക്കുന്നത്. യു.ഡി.എഫിന് 60 മുതൽ 78 വരെ സീറ്റുകളാണ് യു.ഡി.എഫിന് പ്രവചിക്കുന്നത്. എൻ.ഡി.എക്ക് മൂന്നു മുതൽ 11 വരെ സീറ്റുകൾ ലഭിച്ചേക്കാമെന്നും ടുഡേഴ്സ് ചാണക്യ നൽകുന്നു. എൻ.ഡി.എ 20 ശതമാനം വോട്ടുകൾ നേടുമെന്നാണ് സർവേയിലുള്ളത്. തൂക്കു സഭയുടെ സാധ്യതയാണ് ടുഡേഴ്സ് ചാണക്യയുടെ പ്രവചനത്തിലുള്ളത്.
യുഡിഎഫ് (UDF): യുഡിഎഫിന് 40% (± 3%) വോട്ട് വിഹിതം ലഭിക്കുമെന്നും 69 ± 9 സീറ്റുകൾ വരെ നേടിയേക്കാമെന്നും സർവേ വ്യക്തമാക്കുന്നു.
എൽഡിഎഫ് (LDF): ഇടതുമുന്നണിക്ക് 38% (± 3%) വോട്ട് വിഹിതവും 64 ± 9 സീറ്റുകളുമാണ് പ്രവചിക്കപ്പെടുന്നത്.
ബിജെപി+ (BJP+): ഇത്തവണ ബിജെപി സഖ്യം ശക്തമായ സാന്നിധ്യമറിയിക്കുമെന്ന് സർവേ പറയുന്നു. 20% (± 3%) വോട്ട് വിഹിതത്തോടെ 7 ± 4 സീറ്റുകൾ വരെ ബിജെപി സഖ്യം നേടിയേക്കാം.
മറ്റുള്ളവർ: മറ്റ് കക്ഷികൾക്ക് 2% (± 1%) വോട്ട് വിഹിതവും 0 മുതൽ 1 സീറ്റ് വരെയുമാണ് പ്രവചനം.
വോട്ട് വിഹിതത്തിൽ യുഡിഎഫും എൽഡിഎഫും തമ്മിൽ വെറും 2 ശതമാനത്തിന്റെ മാത്രം വ്യത്യാസമാണ് പ്രവചിക്കപ്പെടുന്നത് എന്നത് കേരളത്തിൽ പ്രവചനാതീതമായ ഒരു മത്സരമാണ് നടന്നതെന്ന് അടിവരയിടുന്നു. നേരിയ മുൻതൂക്കം യുഡിഎഫിനാണെങ്കിലും രണ്ട് മുന്നണികൾക്കും ഭരണത്തിലേറാനുള്ള സാധ്യതകൾ സർവേ തള്ളിക്കളയുന്നില്ല.