ന്യൂഡൽഹി: ഇന്ത്യൻ ജനസംഖ്യ 144.17 കോടിയിലെത്തിയെന്ന് കണക്കാക്കുന്നതായി യുണൈറ്റഡ് നേഷൻസ് പോപ്പുലേഷൻ ഫണ്ട് (യുഎൻഎഫ്പിഎ) റിപ്പോർട്ട്. 142.5 കോടിയുമായി ചൈനയാണ് തൊട്ടുപിറകിൽ. 77 വർഷത്തിനകം ഇന്ത്യയിലെ ജനസംഖ്യ ഇരട്ടിയാകുമെന്നും റിപ്പോർട്ട് പറയുന്നു.
ഇന്ത്യൻ ജനസംഖ്യയുടെ 24 ശതമാനം 0-14 പ്രായപരിധിയിലുള്ളവരാണ്. 10-24 പ്രായപരിധിയിലുള്ളവർ 26 ശതമാനവും 15-64 പ്രായപരിധിയിലുള്ളവർ 68 ശതമാനവുമുണ്ട്. ഏഴ് ശതമാനം പേർ 65 വയസിന് മുകളിലുള്ളവരാണ്.
പുരുഷന്മാരുടെ ആയുർദൈർഘ്യം 71 വയസും സ്ത്രീകളുടേത് 74 വയസുമാണ്. 2011ൽ നടന്ന സെൻസസ് പ്രകാരം 121 കോടിയായിരുന്നു രാജ്യത്തെ ജനസംഖ്യ.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group