അബുദാബി: യു.എ.ഇ പാസ് ഉപയോഗിച്ചുള്ള തട്ടിപ്പ് സംബന്ധിച്ച് ചില സോഷ്യൽ മീഡിയകളിൽ പ്രചരിക്കുന്ന കമന്റുകൾ ശനിയാഴ്ച ടെലി കമ്മ്യൂണിക്കേഷൻ ആൻഡ് ഡിജിറ്റൽ ഗവൺമെൻറ് റെഗുലേറ്ററി അതോറിറ്റി (TDRA) നിരസിച്ചു.
തട്ടിപ്പിനെ കുറിച്ചുള്ള സമൂഹമാധ്യമങ്ങളിൽ വന്ന വാർത്തകളോട് പ്രതികരിക്കുകയായിരുന്നു അതോറിറ്റി.
“യുഎഇ പാസ് ആപ്പ് വളരെ സുരക്ഷിതമാണ് എന്നും എന്തെങ്കിലും അറിയിപ്പുകൾ അല്ലെങ്കിൽ ലോഗിൻ അഭ്യർത്ഥനകൾ ലഭിക്കുമ്പോൾ ജാഗ്രത പാലിക്കാൻ ഉപഭോക്താക്കളോട് അഭ്യർത്ഥിച്ചിട്ടുണ്ട്. അക്കൗണ്ടിലേക്ക് അനധികൃതമായി ആക്സസ് ചെയ്യാൻ ശ്രമിക്കുന്നവർക്ക് അനുമതി നൽകരുത്,ലിങ്കിൽ ക്ലിക്ക് ചെയ്യുന്നതിന് മുമ്പ് നന്നായി പരിശോധിച്ചു ഉറപ്പുവരുത്തണം”
യുഎഇയിലെ സർക്കാർ വകുപ്പുകൾക്കും മറ്റ് സ്ഥാപനങ്ങൾക്കുമിടയിൽ ഔദ്യോഗിക രേഖകൾ അപ്‌ലോഡ് ചെയ്യാനും പരിശോധിക്കാനും പങ്കിടാനുമാണ് യുഎഇ പാസ് ആപ്പ് ഉപയോഗിക്കുന്നത്. ഡിജിറ്റൽ സേവനം ശക്തമാക്കുന്നതിന്റെ ഭാഗമായി യുഎഇയിലെ എല്ലാ സർക്കാർ സേവനങ്ങളും യുഎഇ പാസുമായി ബന്ധിപ്പിച്ചു വരികയാണ്.മന്ത്രാലയങ്ങൾ സർക്കാർ ഓഫീസുകൾ എന്നിവിടങ്ങളിലെ സേവനത്തിന് യുഎഇ പാസ് നിർബന്ധമാക്കുകയാണ്.യുഎഇ പാസ് മുഖേന ഇ- സിഗ്നേച്ചർ നൽകിയാലേ സേവനം ലഭ്യമാകൂ.അതിനാൽ സ്വദേശികളും വിദേശികളും യുഎഇ പാസ് എടുക്കണം.