കുവൈത്ത് സിറ്റി – വ്യോമ പ്രതിരോധ പ്രവര്ത്തനങ്ങളെ തുടര്ന്ന് മിസൈല് അവശിഷ്ടങ്ങള് പതിച്ചതിന്റെ ഫലമായി ഏഴ് ഓവര്ഹെഡ് വൈദ്യുതി ലൈനുകള് പ്രവര്ത്തനരഹിതമായതായി കുവൈത്ത് വൈദ്യുതി, ജല, പുനരുപയോഗ ഊര്ജ മന്ത്രാലയം അറിയിച്ചു. ഇതിന്റെ ഫലമായി രാജ്യത്തിന്റെ ചില പ്രദേശങ്ങളില് ഭാഗികമായി വൈദ്യുതി തടസ്സപ്പെട്ടു. എത്രയും വേഗം വൈദ്യുതി പുനഃസ്ഥാപിക്കാനുള്ള പ്രവര്ത്തനങ്ങള് നടന്നുവരികയാണ്.
സൈറ്റുകള് സുരക്ഷിതമാക്കിയാലുടന്, സുരക്ഷാ വകുപ്പുകളുമായി ഏകോപിച്ച്, കേടുപാടുകള് വിലയിരുത്താനും ഉയര്ന്ന സുരക്ഷാ മാനദണ്ഡങ്ങള്ക്കനുസൃതമായി കേടായ ലൈനുകള് നന്നാക്കാനും പ്രത്യേക സാങ്കേതിക സംഘങ്ങള് പ്രവര്ത്തനം ആരംഭിക്കും. വൈദ്യുതി ഗ്രിഡിലെ എമര്ജന്സി സാഹചര്യങ്ങള് നേരിടാനും സേവനത്തിന്റെ തുടര്ച്ച ഉറപ്പാക്കാനും എമര്ജന്സി സംഘങ്ങള് 24 മണിക്കൂറും പ്രവര്ത്തിക്കുന്നുണ്ടെന്നും മന്ത്രാലയം സ്ഥിരീകരിച്ചു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group