ദമ്മാം: പ്രവാസിവെല്ഫെയര് ദമ്മാം റീജിയണല് എറണാകുളം-തൃശൂര് ജില്ലാ കമ്മറ്റി ഒക്ടോബര് നാലിന് സംഘടിപ്പിക്കുന്ന ഷഹീന് അക്കാദമി ദമ്മാം മുഖ്യ പ്രാജോയകരായ പ്രവാസി കലോത്സവം 24 ന്റെ രജിസ്ട്രേഷന് സെപ്തംബര് 20ന് അവസാനിക്കും. സ്കൂള് വിദ്യാര്ഥികളില് നിന്നും മുതിര്ന്ന പ്രവാസികളില് നിന്നും ഇത് വരെ മികച്ച പ്രതികരണമാണ് ലഭിച്ചതെന്ന് സംഘടകര് പറഞ്ഞു.
കലോത്സവത്തില് മാപ്പിളപ്പാട്ട്, ഒപ്പന , നാടോടിനൃത്തം,കോല്ക്കളി, മോണോആക്ട്്, ഗ്രൂപ്പ് സോങ്ങ്, ലളിത ഗാനം, കവിതാ രചന, ചിത്രരചന, പ്രസംഗം എന്നിങ്ങനെ പതിമൂന്ന് വ്യത്യസ്ത സ്റ്റേജ് -സ്റ്റേജിതര മത്സരങ്ങളില് 5-ാം ക്ലാസ്സ് മുതല് 12ാം ക്ലാസ് വരെയുള്ള വിദ്യാര്ഥികള്ക്കും പ്രവാസികളായ മുതിര്ന്നവര്ക്കും പങ്കെടുക്കാവുന്ന രീതിയിലാണ് മത്സരങ്ങള് ഒരുക്കിയിട്ടുള്ളത്. കൂടുതല് വിവരങ്ങള്ക്കും രജിസ്ട്രേഷനും വാടസാപ്പില് ബന്ധപ്പെടാവുന്നതാണ്. നമ്പര്. 0545710448.