റിയാദ്- റിയാദ് പെരിന്തല്‍മണ്ണ നിയോജക മണ്ഡലം കെഎംസിസി കമ്മിറ്റിയുടെ നേതൃത്വത്തില്‍ പി എം ഹനീഫ് അനുസ്മരണവും ഹൃസ്വ സന്ദര്‍ശനാര്‍ത്ഥം റിയാദിലെത്തിയ പെരിന്തല്‍മണ്ണ നിയോജക മണ്ഡലം മുസ്ലിം ലീഗ് ഉപാദ്യക്ഷന്‍ ജമാല്‍ മാസ്റ്റര്‍ക്ക് സ്വീകരണവും സംഘടിപ്പിച്ചു.ബത്ഹ നൂര്‍ ഓഡിറ്റോറിയത്തില്‍ നടന്ന പരിപാടി റിയാദ് കെഎംസിസി മലപ്പുറം ജില്ലാ പ്രസിഡന്റ് ഷൗകത്ത് കടമ്പോട്ട് ഉദ്ഘാടനം ചെയ്തു. കെഎംസിസി പെരിന്തല്‍മണ്ണ നിയോജക മണ്ഡലം പ്രസിഡന്റ് ഖമറുദ്ദീന്‍ ഏലംകുളം അധ്യക്ഷത വഹിച്ചു.
പിഎം ഹനീഫിന്റെ സഹപ്രവര്‍ത്തകനും കോഴിക്കോട് ജില്ലാ മുസ്ലിം യൂത്ത് ലീഗ് ജനറല്‍ സെക്രട്ടറിയുമായ മൊയ്തീന്‍ കോയ മുഖ്യാതിഥിയായി. സത്താര്‍ താമരത്ത് ഹനീഫ് അനുസ്മരണ പ്രഭാഷണം നടത്തി. ചടങ്ങില്‍ പെരിന്തല്‍മണ്ണ നിയോജക മണ്ഡലം മുസ്ലിംലീഗ് ഉപാധ്യക്ഷനും മുന്‍ പുലാമന്തോള്‍ പഞ്ചായത്ത് പ്രസിഡന്റുമായിരുന്ന ജമാല്‍ മാസ്റ്ററെ മണ്ഡലം കെ എം സി സി കമ്മിറ്റിക്ക് വേണ്ടി ചെയര്‍മാന്‍ ഹംസ കട്ടുപ്പാറ പൊന്നാടയണിയിച്ചു ആദരിച്ചു.
സൗദി കെ എം സി സി നാഷണല്‍ കമ്മിറ്റി സെക്രട്ടേറിയറ്റ് അംഗമായ മുഹമ്മദ് വേങ്ങര, റിയാദ് സെന്റ്രല്‍ കമ്മിറ്റി ട്രഷറര്‍ അഷ്ഫ് വെള്ളെപാടം, സെന്റ്രല്‍ കമ്മിറ്റി ഭാരവാഹികളായ അസീസ് വെങ്കിട്ട, കബീര്‍ വൈലത്തൂര്‍, നജീബ് നല്ലാംങ്കണ്ടി, കെ എം സി സി മലപ്പുറം ജില്ലാ ജനറല്‍ സെക്രട്ടറി സഫീര്‍ തിരൂര്‍ തുടങ്ങിയവര്‍ ആശംസയര്‍പ്പിച്ച് സംസാരിച്ചു. എക്‌സിക്യുട്ടീവ് മെമ്പര്‍മാരായ നാസര്‍ മംഗലത്ത്, യൂനുസലീം താഴെക്കോട്, മണ്ഡലം ഭാരവാഹികളായ ജാഫര്‍ താഴെക്കോട്, ഹാരിസ് ആലിപ്പറമ്പ്, ഫൈസല്‍ മണ്ണാര്‍മ്മല, ഹുസൈന്‍ ഏലംകുളം, ശരീഫ് തൂത, ബഷീര്‍ കട്ടുപ്പാറ, ഹാരിസ് അമ്മിനിക്കാട് തുടങ്ങിയവര്‍ നേതൃത്വം നല്‍കി.സുലൈമാന്‍ വാഫിയുടെ പ്രാര്‍ത്ഥനയോടെ തുടങ്ങിയ പരിപാടിക്ക് ജനറല്‍ സെക്രട്ടറി ബുഷൈര്‍ ചേങ്ങോടന്‍ സ്വാഗതവും സിദ്ദീഖ് താഴെക്കോട് നന്ദിയും പറഞ്ഞു.