സൽമാൻ രാജാവ് ജിദ്ദയിൽ പെരുന്നാൾ നമസ്കാരം നിർവഹിച്ചു, മുഹമ്മദ് ബിൻ സൽമാൻ രാജകുമാരൻ മക്കയിൽ

ജിദ്ദ-സൗദി ഭരണാധികാരി തിരുഗേഹങ്ങളുടെ സേവകൻ സൽമാൻ രാജാവ് ജിദ്ദയിലെ അൽ സലാമ കൊട്ടാരത്തിൽ ഈദുൽ ഫിത്വർ നമസ്കാരം നിർവഹിച്ചു. സൗദി കിരീടാവകാശിയും പ്രധാനമന്ത്രിയുമായ മുഹമ്മദ് ബിൻ സൽമാൻ രാജകുമാരൻ മക്കയിലെ വിശുദ്ധ ഹറമിൽ പെരുന്നാൾ നമസ്കാരം നിർവഹിച്ചു.

റമദാനിലെ അവസാന ദിനങ്ങൾ ചെലവിടാനായി മുഹമ്മദ് ബിൻ സൽമാൻ രാജകുമാരൻ മക്കയിലുണ്ട്.

ഹറം കാര്യ വകുപ്പ് മേധാവി അബ്ദുറഹ്മാൻ അൽ സുദൈസും കിരീടാവകാശിക്കൊപ്പം പെരുന്നാൾ നമസ്കാരം നിർവഹിച്ചു.