റിയാദ്- ഉപതെരഞ്ഞെടുപ്പുകളിലെ യു.ഡി.എഫിന്റെ മിന്നും വിജയം ആഘോഷമാക്കി കെ.എം.സി.സി, ഒ.ഐ.സി.സി പ്രവര്‍ത്തകർ. റിയാദിലെ ഷിഫയില്‍ നടന്ന ചടങ്ങ് കെ.എം.സി.സി ഷിഫ പ്രസിഡന്റ് ഉമ്മര്‍ അമാനത്തിന് ഒ.ഐ.സി.സി മലപ്പുറം ജില്ലാ പ്രസിഡന്റ് സിദ്ദീഖ് കല്ലുപറമ്പന്‍ മധുരം നല്‍കി ഉദ്ഘാടനം ചെയ്തു.
വയനാട്ടില്‍ പ്രിയങ്ക ഗാന്ധിക്ക് ലഭിച്ച റെക്കോര്‍ഡ് ഭൂരിപക്ഷവും സി.പി.എമ്മും ബി.ജെ.പിയും ചേര്‍ന്ന് നടത്തിയ എല്ലാ കുതന്ത്രങ്ങളെയും ട്രോളി ബാഗ് വിവാദത്തെയും വര്‍ഗീയ വിഷം തുപ്പിയ പത്ര പരസ്യങ്ങളെയും അതിജീവിച്ച് രാഹുല്‍ മാങ്കൂട്ടത്തില്‍ നേടിയ തിളക്കമാര്‍ന്ന വിജയവും കേരളത്തിന്റെത് മതേതര മനസ്സാണെന്ന് ഒരിക്കല്‍ കൂടി തെളിയിച്ചെന്ന് നേതാക്കള്‍ അഭിപ്രായപ്പെട്ടു.
കെ.എം.സി.സിയുടെയും ഒ.ഐ.സി.സിയുടേയും നേതാക്കളായ ശുക്കൂർ, ഷൗക്കത്ത്, ബാബു വഴിക്കടവ്. വഹീദ് ഷിഫ എന്നിവര്‍ നേതൃത്വം നല്‍കി. വിജയാഘോഷത്തിന്റെ ഭാഗമായി ഷിഫയിലെ കടകളിലും മറ്റും ലഡു വിതരണം ചെയ്തു.