റിയാദ്- സൗദി തലസ്ഥാനമായ റിയാദിലെ അമേരിക്കൻ എംബസിക്ക് നേരെ രണ്ട് ഡ്രോൺ ആക്രമണങ്ങൾ ഉണ്ടായതായി പ്രതിരോധ മന്ത്രാലയം ഔദ്യോഗിക വക്താവ് ഇന്ന് (ചൊവ്വാഴ്ച) അറിയിച്ചു. പ്രാഥമിക നിഗമനങ്ങൾ പ്രകാരമാണ് ഈ വിവരമെന്ന് അദ്ദേഹം വ്യക്തമാക്കി. ആക്രമണത്തെത്തുടർന്ന് എംബസി കെട്ടിടത്തിൽ ചെറിയ തീപിടുത്തവും നിസ്സാരമായ നാശനഷ്ടങ്ങളും ഉണ്ടായതായി വക്താവ് ചൂണ്ടിക്കാട്ടി.
നേരത്തെ തിങ്കളാഴ്ച, റിയാദ് മേഖലയിലെ പ്രിൻസ് സുൽത്താൻ എയർ ബേസിന് സമീപം എത്തിയ 5 ഡ്രോണുകൾ തകർക്കാൻ സൗദി അറേബ്യയ്ക്ക് സാധിച്ചിരുന്നു. ഇതിന് പുറമെ കിഴക്കൻ പ്രവിശ്യയിലെ റാസ് തനൂറ റിഫൈനറി ലക്ഷ്യമാക്കി വന്ന രണ്ട് ഡ്രോണുകളും സൈന്യം വിജയകരമായി പ്രതിരോധിച്ചു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group