മിന – കടുത്ത ചൂടില്‍ ജംറ കോംപ്ലക്‌സില്‍ ദാഹിച്ചുവലഞ്ഞ് തളര്‍ന്നുവീണ പ്രാവിന് വെള്ളം നല്‍കി സുരക്ഷാ സൈനികന്‍. തന്റെ കൈയിലെ മിനറല്‍ വാട്ടര്‍ കുപ്പിയുടെ മൂടിയില്‍ വെള്ളം നിറച്ചാണ് സുരക്ഷാ സൈനികന്‍ പ്രാവിന് നല്‍കിയത്. വെള്ളം കുടിക്കാന്‍ പോലും കഴിയാത്തവിധം തളര്‍ന്ന പ്രാവിന്റെ കൊക്ക് വെള്ളത്തില്‍ മുട്ടിച്ചാണ് സൈനിക ഉദ്യോഗസ്ഥന്‍ വെള്ളം നല്‍കിയത്. ഇതോടൊപ്പം പ്രാവിന്റെ ശിരസ്സില്‍ തടവി സൈനികന്‍ ആശ്വാസമേകുകയും ചെയ്തു.
ഇതിന്റെ ദൃശ്യങ്ങള്‍ അടങ്ങിയ വീഡിയോ ദൃക്‌സാക്ഷികളില്‍ ഒരാള്‍ ചിത്രീകരിച്ചു. ഒരു മിനിറ്റിലേറെ ദൈര്‍ഘ്യമുള്ള ഈ വീഡിയോ അല്‍അറബിയ ചാനല്‍ സംപ്രേക്ഷണം ചെയ്തു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group