ദമാം– സൗദി അറേബ്യയിൽ റീട്ടെയ്ൽ സാന്നിദ്ധ്യം വിപുലമാക്കിയും സൗരോർജ സംവിധാനമൊരുക്കിയും ലുലു ഗ്രൂപ്പ്. ദമാം അൽ ഉറൂബയിലാണ് പുതിയ ലുലു ഹൈപ്പർമാർക്കറ്റ് ഉദ്ഘാടനവും, സെൻട്രൽ വെയർഹൗസിൽ സോളാർ പൊജക്ടിന്റെ സ്വിച്ച് ഓൺ കർമവും നിർവഹിച്ചത്. വെസ്റ്റ് ദമാം മുൻസിപ്പാലിറ്റി മേധാവി എഞ്ചിനീയർ ഫായിസ് അൽ അസ്മാരി, അൽബീർ അസോസിയേഷൻ ജനറൽ സെക്രട്ടറി എഞ്ചിനീയർ ഇബ്രാഹിം അബു അബ്ഹ എന്നിവർ ചേർന്നാണ് ഉദ്ഘാടനം ചെയ്തതത്.
സോളാർ പ്രൊജ്ക്ടിന്റെ സ്വിച്ച് ഓൺ കർമ്മം ലുലു ഗ്രൂപ്പ് ചെയർമാൻ എം.എ യൂസഫലി നിർവഹിച്ചു. കാനൂ ക്ലീൻമാക്‌സുമായി സഹകരിച്ചാണ് പദ്ധതി. കാനൂ ഡയറക്ടർ അഹമ്മദ് അബ്ദുല്ല അലി മുഹമ്മദ് കാനൂ, പ്രസിഡന്റ് തലാൽ ഫൗസി അഹമ്മദ് അലി കാനൂ, കാനൂ ഇൻഡസ്ട്രിയൽ ആൻഡ് എനർജി സിഇഒ മനോജ് കെ ത്രിപാഠി എന്നിവരുടെ സാന്നിദ്ധ്യത്തിൽ, 707.7 കിലോവാൾട്ടിലുള്ള റൂഫ്‌ടോപ്പ് സോളാർ പ്ലാന്റാണ് വെയർഹൗസിൽ ഒരുക്കിയത്. പ്രതിവർഷം 535 ടൺ കാർബൺ എമിഷൻ കുറയ്ക്കുന്നതിന് പ്ലാന്റ് വഴിവയ്ക്കും.
സൗദി അറേബ്യയുടെ വിഷൻ 2030ന് കരുത്തേകുന്നതാണ് ലുലുവിന്റെ സാന്നിദ്ധ്യമെന്നും മികച്ച തൊഴിലവസരവും പ്രാദേശിക വികസനവുമാണ് യാഥാർത്ഥ്യമാകുന്നതെന്നും ലുലു ഗ്രൂപ്പ് ചെയർമാൻ എം.എ യൂസഫലി പറഞ്ഞു. രാജ്യത്ത് കൂടുതൽ സ്റ്റോറുകൾ തുറക്കുമെന്നും അദ്ദേഹം വ്യക്തമാക്കി. മികച്ച പാർക്കിങ് സൗകര്യങ്ങളും 81268 സ്‌ക്വയർഫീറ്റ് വിസ്തൃതിയിൽ നിർമിച്ച ഹൈപ്പർമാർക്കറ്റിൽ ഗ്രോസറി, ഹോട്ട് ഫുഡ്, ബേക്കറി, ഇലക്ട്രോണിക്‌സ്, വീട്ടുകരണങ്ങൾ, ബ്യൂട്ടി പ്രൊഡക്ടുകൾ, സ്റ്റേഷനറി, ടോയ്‌സ് തുടങ്ങിയവുടെ വിപുലമായ ശേഖരങ്ങൾക്ക് ഉദ്ഘാടനത്തോട് അനുബന്ധിച്ച് ആകർഷകമായ ഓഫറുകളും ലുലു ഒരുക്കിയിട്ടുണ്ട്