റാസൽഖൈമ: റാസൽഖൈമയിലെ എല്ലാ പൊതു ബീച്ചുകളും തുടർനിർദേശം ഉണ്ടാകുന്നതുവരെ അടച്ചതായി അധികൃതർ അറിയിച്ചു. തീരദേശ മേഖലകളിൽ സന്ദർശനം നടത്തരുതെന്ന് താമസക്കാർക്കും വിനോദസഞ്ചാരികൾക്കും ജാഗ്രതാ നിർദേശം നൽകിയിട്ടുണ്ട്.
പൊതുജനങ്ങളുടെ സുരക്ഷ ഉറപ്പാക്കുന്നതിനുള്ള താൽക്കാലിക നടപടികളുടെ ഭാഗമായാണ് ബീച്ചുകൾ അടയ്ക്കാൻ തീരുമാനിച്ചതെന്ന് റസൽഖൈമ പബ്ലിക് സർവീസസ് ഡിപ്പാർട്ട്‌മെന്റും റസൽഖൈമ പോലീസും അറിയിച്ചു. റസൽഖൈമ പോലീസിന്റെയും പബ്ലിക് സർവീസസ് ഡിപ്പാർട്ട്‌മെന്റിന്റെയും ഔദ്യോഗിക സോഷ്യൽ മീഡിയ അക്കൗണ്ടുകൾ വഴിയാണ് ഈ നിർദേശം പുറപ്പെടുവിച്ചത്.
അധികൃതർ നൽകുന്ന സുരക്ഷാ നിർദേശങ്ങൾ കർശനമായി പാലിക്കണമെന്നും തുടർനിർദേശം ഉണ്ടാകുന്നതുവരെ തീരദേശ മേഖലകളിൽ നിന്ന് വിട്ടുനിൽക്കണമെന്നും സംയുക്ത പ്രസ്താവനയിലൂടെ അഭ്യർത്ഥിച്ചു.
അടച്ചിടൽ സംബന്ധിച്ച വിവരങ്ങൾ:
റസൽഖൈമ എമിറേറ്റിലെ എല്ലാ പൊതു ബീച്ചുകൾക്കും ഈ തീരുമാനം ഉടനടി ബാധകമാണ്. തുറക്കുന്ന തീയതി നിലവിൽ പ്രഖ്യാപിച്ചിട്ടില്ല.
സാഹചര്യങ്ങൾ വിലയിരുത്തിയ ശേഷം ബീച്ചുകൾ വീണ്ടും തുറക്കുന്നതിനെക്കുറിച്ചുള്ള അറിയിപ്പ് പിന്നീട് നൽകുമെന്ന് അധികൃതർ അറിയിച്ചു. ബീച്ചുകളിലേക്കുള്ള പ്രവേശനം എന്ന് പുനരാരംഭിക്കും എന്നതിനെക്കുറിച്ചുള്ള കൂടുതൽ വിവരങ്ങൾക്കായി ഔദ്യോഗിക സർക്കാർ ചാനലുകൾ ശ്രദ്ധിക്കാൻ താമസക്കാരോടും വിനോദസഞ്ചാരികളോടും ആവശ്യപ്പെട്ടിട്ടുണ്ട്. താൽക്കാലികമായി ഏർപ്പെടുത്തിയ ഈ നിയന്ത്രണങ്ങളോട് സഹകരിക്കുന്ന പൊതുജനങ്ങൾക്ക് അധികൃതർ നന്ദി രേഖപ്പെടുത്തി.