മനാമ– സവാളയ്ക്കുള്ളിൽ വൻതോതിൽ നിരോധിത പാൻ മസാലകൾ ഒളിപ്പിച്ച് കടത്താൻ ശ്രമിച്ച ഇന്ത്യൻ വ്യാപാരിക്ക് ബഹ്റൈൻ കോടതി കഠിനശിക്ഷ വിധിച്ചു. മൂന്ന് വർഷം ജയിൽ ശിക്ഷയും 47,000 ദിനാറിലധികം (ഏകദേശം ഒരു കോടിയിലധികം ഇന്ത്യൻ രൂപ) പിഴയുമാണ് കോടതി ചുമത്തിയത്. ശിക്ഷാവിധി കേട്ട പ്രതി കോടതിയിൽ പൊട്ടിക്കരഞ്ഞു.
ഇന്ത്യയിൽ നിന്ന് കപ്പൽ മാർഗമാണ് നിരോധിത പാൻ മസാലകൾ എത്തിച്ചത്. പരിശോധന ഒഴിവാക്കാൻ വലിയ സവാളകൾ തുരന്ന് അതിനുള്ളിലാണ് ഇവ ഒളിപ്പിച്ചു വെച്ചിരുന്നത്. ഏകദേശം 1,500 കിലോയിലധികം ഭാരമുള്ള 11,000-ൽ പരം പാൻ മസാല പാക്കറ്റുകളാണ് ഉദ്യോഗസ്ഥർ പിടികൂടിയത്. വിപണിയിൽ ഇതിന് ഏകദേശം 45 ലക്ഷത്തോളം രൂപ വില വരും. ജയിൽ ശിക്ഷ പൂർത്തിയാക്കിയ ശേഷം പ്രതിയെ നാടുകടത്താനും കോടതി ഉത്തരവിട്ടു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group